ۇكىمەتتىڭ كەڭەيتىلگەن كەڭەسىندە مەملەكەت باسشىسى قاسىم-جومارت توقايەۆ وسنىداي تاپسىرما بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جۋىقتا مەن پرەمەر-مينيستردىڭ ورىنباسارى – سىرتقى ىستەر ءمينيسترى ەتىپ مۇرات نۇرتىلەۋدى تاعايىندادىم. ونىڭ حالىقارالىق سالاداعى تاجىريبەسى ايتارلىقتاي. لاۋازىمدىق مىندەتىنە بايلانىستى ول سونداي-اق ينۆەستيسيا تارتۋمەن دە اينالىسادى. ناتيجەسى بولادى دەپ ۇمىتتەنەمىن»، – دەدى مەملەكەت باسشىسى.
سونداي-اق، پرەزيدەنت بۇل ىسكە «اتامەكەن» ۇلتتىق كاسىپكەرلەر پالاتاسىن تارتۋ قاجەتتىگىن ايتتى.
«ءاربىر ماڭىزدى ينۆەستيسيالىق جوبانى پروكۋراتۋرا قىزمەتكەرلەرى سۇيەمەلدەۋى قاجەت دەپ ەسەپتەيمىن. بۇل ۇجىمدىق جاۋاپكەرشىلىك جۇيەسىن جولعا قويۋعا مۇمكىندىك بەرەدى جانە مەملەكەتتىك قىزمەتشىلەردى دۇرىس ەمەس شەشىم قابىلدايمىن دەگەن ۇرەيدەن ارىلتادى.
مۇنداي شارا ينۆەستيسيالاردى تارتۋ جونىندەگى جۇمىستىڭ تيىمدىلىگىن ارتتىرۋعا ءتيىس جانە شەتەلدىك كاسىپكەرلەردىڭ ينۆەستيسيالارىنىڭ قاۋىپسىزدىگىنە كەپىل بولادى. مۇنىڭ ءبارى ءبىزدىڭ ەلىمىزدەگى ينۆەستيسيالىق احۋالدى جاقسارتۋعا ىقپال ەتەدى دەپ ەسەپتەيمىن»، –- دەدى قاسىم-جومارت توقايەۆ.
ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.