بارلىق دەڭگەيدەگى اكىمدەردىڭ جۇمىسىن جىل سايىن باعالاۋ جۇيەسىن ەنگىزۋ كەرەك. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz.
«بارلىق دەڭگەيدەگى اكىمدەردىڭ جۇمىسىن جىل سايىن باعالاۋ جۇيەسىن ەنگىزۋ كەرەك. «حالىق ۇنىنە قۇلاق اساتىن مەملەكەت» بولۋى ءۇشىن ازاماتتارمەن تىعىز قارىم-قاتىناس ورناتۋ ايرىقشا ماڭىزدى»، – دەدى قاسىم-جومارت توقايەۆ.
وسى ورايدا پرەزيدەنت اكىمدەردىڭ جاۋاپكەرشىلىگىن سىنعا الدى.
«ءاربىر ايماقتىڭ ءوز ەرەكشەلىگى جانە «ءالسىز تۇستارى» بار. وكىنىشكە قاراي، اكىمدەر سونى بىلە تۇرا، الداعى قيىندىقتاردى ۋاقتىلى باعامداي المايدى. جاۋاپكەرشىلىكتى وزىنە الىپ، دەر كەزىندە شەشىم قابىلداۋدان قاشادى»، – دەدى مەملەكەت باسشىسى.