ەلىمىزدە مەملەكەت باسشىسىنىڭ باستاماسىمەن «كەلەشەك مەكتەپتەرى» ۇلتتىق جوباسى قارقىندى تۇردە ىسكە اسىرىلۋدا. «كەلەشەك مەكتەپتەرى» جوباسىنىڭ جۇيەلىك شەشىمى - اپاتتى جانە ءۇش اۋىسىمدى مەكتەپتەردى جانە قالا مەن اۋىل اراسىنداعى ءبىلىم الشاقتىعىن جويۋ.
اتالمىش ۇلتتىق جوبا اياسىندا جىل سوڭىنا دەيىن بەرىلەتىن 100 جايلى مەكتەپتىڭ ءبىرى الماتى وبلىسى، ىلە اۋدانى، اششىبۇلاق اۋىلدىق وكرۋگى، مۇحامەدجان تۇيمەبايەۆ اۋىلىندا №3 ورتا مەكتەپتە ءبىر اۋىسىمدا 900 وقۋشى ءبىلىم الا الادى. جاڭا عيمارات ءبىلىم ەسىگىن 2025 جىلدىڭ 01 قىركۇيەك كۇنى اشادى.
بۇل ءبىلىم ورداسىندا وقۋشى قاجەتتىلىكتەرىنە تولىق باعدارلانعان ىڭعايلى جانە ەرگونوميكالىق ورتا قۇرۋ. مۇنداي ءبىلىم وشاقتارىندا زاماناۋي بەينەباقىلاۋ جانە مەكتەپكە كىرىپ-شىعۋدى قاداعالاۋ جۇيەلەرىن ورناتۋ ارقىلى بالالار قاۋىپسىزدىگىنە ەرەكشە نازار اۋدارىلادى. سونىمەن قاتار باستاۋىش جانە جوعارى سىنىپ وقۋشىلارىنا ارنالعان بلوكتاردىڭ بولەك بولۋى ءقاۋىپسىز ءارى جايلى ورتانى قامتاماسىز ەتەدى.
كەدەرگىسىز ورتا قۇرۋ ماقساتىندا پاندۋستار، جەدەلساتىلار، ەرەكشە قاجەتتىلىكتەرى بار بالالار ەركىن قوزعالا الاتىنداي ارنايى سانيتارلىق بولمەلەر قاراستىرىلعان. رەسۋرستىق كابينەتتەر جانە مامانداندىرىلعان سىنىپتار بار.
اتالعان جوبا اياسىندا سالىنعان مەكتەپبۇرىنعى تيپتىك مەكتەپتەردەن ەداۋىر ەرەكشەلەنەدى. جالپى اۋماعى 15–20%-عا ۇلكەن، ال تەحنيكالىق جابدىقتالۋ دەڭگەيى ءتورت ەسە جوعارى. بۇل مەكتەپتە روبوتوتەحنيكا كابينەتى، STEM-زەرتحانا، حورەوگرافيا زالى، كوۆوركينگ ايماقتارى مەن ءتورت سپورت زالعا دەيىن قاراستىرىلعان.
كەلەشەك مەكتەپتەرى – بۇل جاي عانا مەكتەپ عيماراتتارى ەمەس، بۇل – بولاشاققا جاسالعان بەرىك ينۆەستيسيا. ءبىلىم – ۇلتتىڭ ىرگەتاسى، ال بۇل مەكتەپتەر سول ىرگەتاستى نىعايتاتىن باستى تىرەك بولماق.