28 تامىزدا، 2025/26 ماۋسىمىنداعى ليگا چەمپيوندارىنىڭ نەگىزگى كەزەڭىنە جەرەبە تارتۋ ءراسىمى ءوتتى، دەپ حابارلايدى Aqshamnews.kz.
جەرەبە تارتۋعا 36 كلۋب قاتىستى، ولاردىڭ قاتارىندا الماتىلىق «قايرات» بار. بۇل - كلۋب تاريحىنداعى العاشقى نەگىزگى كەزەڭگە جولداما.
«قايرات» جەرەبە تارتۋ الدىندا ءتورتىنشى سەبەتكە ءتۇستى.
ونىڭ ءبىرىنشى قارسىلاسى - «رەال مادريد». كلۋب الماتىعا كەلەدى.
ال ەكىنشى قارسىلاسى - يتاليالىق «ينتەر» فۋتبول كومانداسى. بۇل جولى «قايرات» يتالياعا قوناققا بارادى.
كەلەسى قارسىلاسى - «ارسەنال». «قايرات» ۇلىبريتانياعا، لوندونعا بارادى.
ءتورتىنشى قارسىلاسى - «بريۋگگە». بەلگيالىق فۋتبول كلۋبى الماتىعا كەلەدى.
بەسىنشى قارسىلاسى - «سپورتينگ»، ليسسابون، پورتۋگاليا. «قايرات» قوناققا بارادى.
التىنشى قارسىلاسى - «وليمپياكوس»، گرەكيالىقتار الماتىعا كەلەدى.
جەتىنشى قارسىلاسى - «پافوس»، كيپرلىقتار الماتىعا كەلەدى.
سوڭعى قارسىلاسى - «كوپەنگاگەن»، «قايرات» دانياعا قوناققا بارادى.
كۇنتىزبە 30 تامىزدا جاريالانادى.
ايتا كەتەيىك، العاشقى سەبەتكە تۇسكەن قارسىلاستاردىڭ قاتارىندا الەمدىك فۋتبولدىڭ الىپ كلۋبتارى بار: «پسج»، «رەال مادريد»، «مانچەستەر سيتي»، «باۆاريا»، «ليۆەرپۋل»، «ينتەر»، «چەلسي»، «بورۋسسيا دورتمۋند» جانە «بارسەلونا».
جەرەبە تارتۋ ءراسىمىنىڭ تىكەلەي كورسەتىلىمى Qazsport تەلەارناسىنان كورسەتىلدى.
ەسكە سالايىق، الماتىلىق كوماندا ليگا چەمپيوندارىنىڭ پلەي-وفف كەزەڭىندەگى جاۋاپتى ماچتا شوتلانديالىق «سەلتيكپەن» تەڭ ويناعان بولاتىن (0:0). ناتيجەسىندە «قايرات» پەنالتي سەرياسىندا 3:2 ەسەبىمەن جەڭىسكە جەتىپ، قاقپاشى تەمىرلان اناربەكوۆتىڭ ەرلىگى ارقاسىندا نەگىزگى كەزەڭگە ءوتتى.