2023 جىلى ءبىر اقش دوللارى 486 تەڭگە شاماسىندا بولۋى مۇمكىن
ەۋرازيالىق دامۋ بانكىنىڭ ەكونوميستەرى جۇرگىزگەن زەرتتەۋ جۇمىسىنىڭ اياسىندا كەلەسى جىلى ءبىر اقش دوللارى 486 تەڭگە شاماسىندا بولۋى مۇمكىن ەكەنى جاريالاندى. بۇل تۋرالى اتالعان بانكتىڭ 2023 جىلعا ارنالعان ماكروەكونوميكالىق بولجامىن تانىستىرۋ كەزىندە ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تەڭگەنىڭ ورتاشا جىلدىق باعامى 2023 جىلى دوللارعا شاققاندا شامامەن 486 تەڭگەنى قۇراۋى مۇمكىن. بۇل نەگىزىنەن مۇناي باعاسىنىڭ تومەندەۋى جانە وسىنىڭ سالدارىنان ەكسپورتتان كەلەتىن تۇسىمدەردىڭ ازايۋى مۇمكىندىگىنەن قالىپتاسۋى ىقتيمال. وسى ورايدا تەڭگە باعامىنا قاتىستى ءتيىستى وزگەرىس بايقالماق»، - دەدى اناليتيكالىق جۇمىس ديرەكسياسى ەلدەر بويىنشا تالداۋ جۇرگىزۋ ورتالىعىنىڭ اعا تالداۋشىسى ايگۇل بەردىعۇلوۆا.
بۇدان بۇرىن حابارلانعانداي، استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 465-470 تەڭگەدەن ساۋدالانىپ جاتىر.
ۇلتتىق بانكتىڭ 29 قاراشاداعى رەسمي باعامى – 1 دوللارعا 467، 99 تەڭگە.