ورتا مەديسينا پەرسونالىنىڭ جالاقىسىن 250 مىڭ تەڭگەگە دەيىن كوتەرۋ جوسپارلانعان.
ەلىمىزدە 3 900 دارىگەر جەتىسپەيدى. بۇل تۋرالى بۇگىن سەناتتاعى ۇكىمەت ساعاتىندا دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كادر ماسەلەسى ەرەكشە نازاردا. رەسپۋبليكا بويىنشا كادر تاپشىلىعى سەزىلەدى، مىسالى، 3 900 دارىگەر جەتىسپەيدى. بىلتىر ءۇش مىڭنان استام جاس تۇلەك جولدامامەن جۇمىسقا جىبەرىلدى، ونىڭ 630-ى – اۋىلدىق ەلدى مەكەندەرگە جولداندى. بيىل بىتىرگەن 1 872 جاس تۇلەكتىڭ 441ء-ى اۋىلدارعا جىبەرىلدى. كەلەسى جىلعا 11 مىڭنان استام مامان دايىنداپ جاتىرمىز. ءقازىر كوپ جەردە ماماندارعا الەۋمەتتىك قولداۋ كورسەتىلمەيدى. ءۇي، كوتەرىڭكى جاردەماقى ماسەلەسىن كوتەرىپ جاتىرمىز. اسىرەسە، اۋىلعا باراتىن دارىگەردى ىنتالاندىرۋ قاجەت»، - دەدى مينيستر.
ونىڭ اتاپ وتۋىنشە، 2022 جىلى جالاقى دارىگەرلەرگە ورتا ەسەپپەن – 30، ورتاشا مەديسينا پەرسونالىنا 20 پايىزعا كوتەرىلدى.
«كەلەسى جىلى دارىگەرلەرگە جالاقىنى ورتاشا ەسەپپەن 531 مىڭ تەڭگەگە دەيىن، ورتا مەديسينا پەرسونالىنا 250 مىڭ تەڭگەگە دەيىن كوتەرۋ جوسپارلانعان. سونىمەن بىرگە مەديسينا قىزمەتكەرلەرىنىڭ كاسىپتىك جاۋاپكەرشىلىگىن جانە مەديسينا قىزمەتكەرلەرىنىڭ مارتەبەسىن ساقتاندىرۋ جۇيەسىن ەنگىزۋ ءۇشىن ءتيىستى زاڭ جوباسى ازىرلەندى. ول ماجىلىسكە ەنگىزىلىپ، دەۋتاتتاردىڭ قاراۋىندا»، - دەدى اجار عينيات.