ەلدە نەسيەسىن ءبىر جىل بويى تولەمەگەندەردىڭ قارىزى جويىلادى.
بۇل - "جەكە تۇلعانىڭ بانكروتتىعى تۋرالى" زاڭ جوباسىندا كورسەتىلگەن مۇمكىندىك. قۇجات جاقىندا دەپۋتاتتار تالقىسىنا ۇسىنىلادى، دەپ حابارلايدى Almaty-akshamy.kz 24.kz-كە سىلتەمە جاساپ.
پروبلەمالىق قارىزى بار قازاقستاندىقتاردىڭ 96 پايىزى - كەپىلسىز نەسيە العاندار. دەمەك، ولاردىڭ دەنى بانكروتتىق تۋرالى زاڭنىڭ يگىلىگىن كورە الادى. قارىز جويىلۋى ءۇشىن وتەلمەگەن سوما 5 ملن تەڭگەگە دەيىن بولۋى كەرەك. سونداي-اق، سوتتان تىس بانكروتتىق ءراسىمىن تابىسى كۇنكورىس دەڭگەيىنە جەتپەيتىن ازاماتتار پايدالانا الادى. قارجى ۆيسە-مينيسترى ەرجان ءبىرجانوۆ بورىشكەردىڭ مۇلكى بولماۋى كەرەكتىگىن ەسكەرتتى. كىرىس پەن مۇلىكتىڭ بار-جوقتىعى ەلەكتروندى ۇكىمەت پورتالى ارقىلى ايقىندالادى. دەمەك، مۇلىكتىڭ ەسەبىن جۇرگىزەتىن بارلىق ۋاكىلەتتى مەملەكەتتىك ورگان دەرەكتەر بازاسىن بىرىكتىرەدى. وسىدان كەيىن بانكتەر ەسەپ ايىرىسۋ شوتتارى بويىنشا اقشا قوزعالىسىن جۇزەگە اسىرادى. سوتتان تىس بانكروتتىققا بانك، ميكروقارجى ۇيىمدارى مەن كوللەكتورلىق اگەنتتىكتەر الدىنداعى قارىزدار بويىنشا قولدانىلۋى مۇمكىن. ءوتىنىش بويىنشا شەشىمدى جارتى جىل كۇتۋگە تۋرا كەلەدى.
«مىسالى، ەندىگى جىلى زاڭناما جۇمىس ىستەسە، 2023 جىلى ول بانكروت بولىپ تابىلاتىن بولسا، كەلەسى پروسەدۋراعا ول 7 جىلدان وتكەننەن كەيىن جۇگىنۋگە مۇمكىنشىلىگى بار. بانكروتتىقتان كەيىن ءۇش جىل ىشىندە قارجىلىق جاعدايى مونيتورينگ جۇرگىزەدى. مۇنداي تاجىريبە باسقا ەۋروپا ەلدەرىندە دە جۇرگىزىلىپ وتىرادى. سەبەبى ادەيىلەپ جاسالعان بانكروتتىق پروسەدۋراسىن تەكسەرۋ ءۇشىن سونداي ءتاسىل قولدانىلادى»، - دەيدى ق ر قارجى ۆيسە-مينيسترى ەرجان ءبىرجانوۆ.