نەگىزگى پاندەر شتاتتىق فورماتتا وقىتىلادى.
بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ءمالىم ەتتى، دەپ حابارلايدى Almaty-akshamy.kz
«جاڭا وقۋ جىلىن قاتاڭ سانيتارلىق-ەپيدەميولوگيالىق تالاپتاردى ساقتاي وتىرىپ، شتاتتىق فورماتتا باستاۋ جوسپارلانۋدا. بۇگىنگى كۇنى مەكتەپكە دەيىنگى ۇيىمدار شتاتتىق جۇمىس رەجيمىنە ورالدى. وسى وقۋ جىلىندا 7 مىڭنان استام مەكتەپ شامامەن 3،6 ملن وقۋشىنى، ونىڭ ىشىندە 380 مىڭعا جۋىق ءبىرىنشى سىنىپ وقۋشىسىن قابىلدايدى. شتاتتىق رەجيمدە وقۋدى باستاۋ ءۇشىن ءبىلىم جانە عىلىم مينيسترلىگى مەكتەپتەر جۇكتەمەسىنە ۇلكەن تالداۋ جۇرگىزدى. ۇلتتىق ءبىلىم بەرۋ دەرەكتەر قورىنىڭ دەرەكتەرى بويىنشا مەكتەپتەردىڭ 95 پايىزىنىڭ جوبالىق قۋاتى مەن وقۋشىلار سانى بارلىق سانيتاريالىق تالاپتاردى ساقتاي وتىرىپ، وقۋدى تولىق شتاتتىق فورماتتا باستاۋعا مۇمكىندىك بەرەدى. مۇنداي مەكتەپتەردە وقۋشىلاردىڭ 81 پايىزى ءبىلىم الادى»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتى بارىسىندا.
سونىمەن قاتار ۆيسە-مينيستردىڭ اتاپ وتۋىنشە، مەكتەپتەرگە كەيبىر پاندەردى قاشىقتىق فورماتتا وتكىزۋگە رۇقسات بەرىلەدى.
«وقۋشى ورىندارىنىڭ تاپشىلىعى، 3 اۋىسىمدىلىعى بار 300-دەن اسا مەكتەپ بار. بۇل جالپى مەكتەپتەردىڭ 5 پايىزىن قۇرايدى. مۇنداي مەكتەپتەردە وقۋشىلاردىڭ 19 پايىزى ءبىلىم الادى دەپ جوسپارلانىپ وتىر. وسى مەكتەپتەر قوسىمشا ءىس-شارالار ارقىلى، ونىڭ ىشىندە كەيبىر پاندەردى قاشىقتان وقىتا وتىرىپ، وقۋ يكەمدى كەستە بويىنشا شتاتتىق تۇردە جۇرگىزىلەدى. اۋىسىمدار مەن كىشى اۋىسىمدار ۇيىمداستىرىلادى. نەگىزگى پاندەر بۇل مەكتەپتەردە شتاتتىق فورماتتا وقىتىلادى. بۇگىنگى كۇنى باس مەملەكەتتىك سانيتار دارىگەردىڭ قاۋلىسى قابىلداندى. بايلانىستا بولعان بالالار ءۇشىن وقشاۋلاۋ كەزەڭىنە سينحروندى قاشىقتان وقىتۋ ۇيىمداستىرىلادى. اتا-انالاردىڭ وتىنىشتەرى نەگىزىندە سوزىلمالى ناۋقاستارى بار بالالارعا مەديسينالىق ۇيىم انىقتامالارى نەگىزىندە قاشىقتان وقىتۋ ۇسىنىلادى. بۇل وقۋشىلار وقۋلىقتارمەن، وقىتۋ كونتەنتى بار اقپاراتتىق جۇيەمەن، ەلەكتروندىق جۋرنالمەن قامتىلادى. جيىنتىق باقىلاۋ جۇمىستارىن ولار مەكتەپتە تاپسىرادى. ساباقتاردىڭ ۇزاقتىعى 45 مينۋتتى قۇرايدى»، - دەدى شولپان كارينوۆا.