«Ashyq» جوباسىنىڭ تيىمدىلىگى

بيزنەستى ساقتاپ قالۋدا، ۆيرۋس جۇقتىرعانداردى انىقتاۋدا «Ashyq» جوباسىنىڭ تيىمدىلىگى مەن حالىققا تيگىزەر پايداسى مول.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە كاسىپكەر رادوۆان سيمونوۆيچ ايتتى. ونىڭ پىكىرىنشە، «Ashyq» جوباسى – كوروناۆيرۋستىڭ تارالۋىن بولدىرماۋدىڭ ەڭ جاقسى قۇرالى، سونىمەن قاتار كوپتەگەن كاسىپكەرلەرگە ءوز بيزنەسىن ساقتاۋعا كومەكتەسەتىن بىرەگەي جوبا. «قوسىمشانىڭ كوپتەگەن ارتىقشىلىقتارى بار.

بىرىنشىدەن، بۇل بىزگە، ءبىزدىڭ قىزمەتكەرلەرگە جانە كەلۋشىلەرگە قاتىستى قاۋىپسىزدىكتى قامتاماسىز ەتەدى. ەكىنشىدەن، جۇمىس ىستەۋگە، ۇشىنشىدەن، ەپيدەميولوگيالىق قاۋىپسىزدىكتى ساقتاۋعا، ادامداردى ءىس جۇزىندە تەكسەرۋگە جانە قاۋلى اياسىندا جۇمىس اتقارۋعا مۇمكىندىك بەرەدى»، – دەيدى كافە ديرەكتورى رادوۆان سيمونوۆيچ.

قازىرگى ۋاقىتتا كەز كەلگەن ادام ۆيرۋستى تاسىمالداۋشى بولۋى مۇمكىن. ەگەر كليەنتتە «قىزىل» نەمەسە «سارى» ستاتۋس جانسا، ول «كۇتۋ ايماعىنا» اۋىستىرىلادى نەمەسە نىساننىڭ ىشىنە جىبەرىلمەيدى. «باستاپقىدا قوناقتار جوبانى ءارتۇرلى قابىلدادى. جوبامەن جۇمىس بارىسىندا ءبىز «سارى» مارتەبەسى بار ادامداردى ءۇش رەت جانە ءبىر رەت «قىزىل» مارتەبەسى بار ادامداردى انىقتادىق. مۇنداي جاعدايلاردا ءبىز ولارعا قىزمەت كورسەتە المايتىنىمىزدى تۇسىندىردىك، ويتكەنى ءبىز ءبىرىنشى كەزەكتە  كوپشىلىك ادامعا قىزمەت كورسەتۋ سالاسىنا جاتامىز. قوسىمشا بىزگە ءوز بيزنەسىمىزدى ساقتاۋعا كومەكتەستى جانە جۇقتىرعانداردى انىقتاۋدىڭ ەڭ جاقسى قۇرالى بولىپ تابىلادى»، – دەپ قوستى ر.سيمونوۆيچ.

الماتىدا «Ashyq» جوباسىنىڭ 8306 قاتىسۋشى بار، ال ەرىكتى قاتىسۋشىلار – 11812 نىسان. «Ashyq» جوباسىنىڭ كوشباسشىلارىنىڭ سانى – 281.  28 ءساۋىر مەن 15 تامىز ارالىعىندا الماتى قالاسىندا «قىزىل» مارتەبەسى بار 387 جەكە تۇلعاعا وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىنعان.