مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى اlmaty-akshamy.kz.
زاڭ بيزنەس سۋبەكتىلەرىنە قاتىستى مەملەكەتتىك باقىلاۋ مەن قاداعالاۋ فورمالارىن رەتكە كەلتىرۋگە، بيزنەستى جۇرگىزۋ جاعدايلارىن جاقسارتۋعا باعىتتالعان.
ناقتىراق ايتقاندا، سالالىق زاڭدار دەڭگەيىندە جەدەل دەن قويۋ شارالارىن قولدانۋ، تەرگەۋ جۇرگىزۋ تەتىكتەرى، باقىلاۋ سۋبەكتىسىنە بارماي پروفيلاكتيكالىق باقىلاۋ جۇرگىزۋ ءتارتىبى ايقىندالدى.
بىرنەشە سالادا بيزنەستى جۇرگىزۋ جاعدايلارىن جاقسارتاتىن وزگەرىستەر مەن تولىقتىرۋلار، سونىڭ ىشىندە
– بالىق شارۋاشىلىعىندا اۋىل شارۋاشىلىعى ماقساتىنداعى پەرسپەكتيۆالى جەر ۋچاسكەلەرىندە بالىقتى جاساندى جولمەن ءوسىرۋ مۇمكىندىگىن قاراستىراتىن؛
– وسىمدىكتەر كارانتينىنە بايلانىستى كارانتينگە جاتقىزىلعان ءونىمنىڭ ورنىن اۋىستىرۋعا اكىمشىلىك جۇكتەمەنى ازايتۋدى؛ (فيتوسانيتاريالىق سەرتيفيكاتتىڭ كۇشىن جويۋدى)؛
– ونەركاسىپ سالاسىندا وتاندىق وڭدەۋ ونەركاسىبى كاسىپورىندارىن ءوز ەلىمىزدە شىعاتىن شيكىزاتپەن قامتاماسىز ەتۋدى:
– مۇناي-گاز سالاسىندا شيكى مۇنايدان قايتا وڭدەلگەن ونىمدەردىڭ شىعۋ تەگىن راستايتىن قۇجاتتار تىزبەسىن ناقتىلاۋدى؛
– قارجى نارىعىندا بانكتەرمەن ءوزارا ءىس-قيمىل جاساۋ كەزىندە بيزنەس ءۇشىن راسىمدەردى جەڭىلدەتۋدى؛
– زاڭدى تۇلعالاردى تىركەۋ كەزىندە زاڭدى تۇلعالار مەن ولاردىڭ فيليالدارىن جانە ت.ب. مەملەكەتتىك تىركەۋ/قايتا تىركەۋ بويىنشا مەملەكەتتىك قىزمەتتەر كورسەتۋدىڭ ەلەكتروندىق فورماتىنا اۋىستىرۋدى كوزدەيتىن ءبىرقاتار تۇزەتۋ ەنگىزىلدى.
اتالعان شارالار كاسىپكەرلىكپەن اينالىسۋ ءۇشىن قولايلى جاعداي تۋعىزۋعا، جۇرگىزىلەتىن تەكسەرۋلەردىڭ اشىقتىعىن، سونداي-اق تۇتىنۋشىلار، كاسىپكەرلىك سۋبەكتىلەرى جانە مەملەكەت مۇددەلەرى اراسىنداعى تەڭگەرىمدى قامتاماسىز ەتۋگە ارنالعان.
زاڭنىڭ ءماتىنى باسپاسوزدە جاريالانادى.