14 ماۋسىمدا بۇكىل الەمدە دۇنيەجۇزىلىك قان دونورى كۇنى اتاپ وتىلەدى.
بۇگىن دۇنيەجۇزىلىك دونور كۇنىنە وراي ترانسفۋزيولوگيا عىلىمي-وندىرىستىك ورتالىعىندا (ءتعوو) ق ر دەنساۋلىق ساقتاۋ مينيسترلىگىنىڭ «دەنساۋلىق ساقتاۋ سالاسىنا قوسقان ۇلەسى ءۇشىن» توسبەلگىسىن العان قان دونورلارىنا قۇرمەت كورسەتۋ ءىس-شاراسى ۇيىمداستىرىلدى، دەپ حابارلايدى Almaty-akshamy.kz.
ق ر دەنساۋلىق ساقتاۋ مينيسترلىگى باسپا ءسوز قىزمەتىنىڭ مالىمەتىنشە، مۇنداي توسبەلگى 40-تان استام قان تاپسىرعان ادامدارعا بەرىلەدى. ءىس-شارا ەلوردالىق قان ورتالىعىنىڭ اۋماعىندا، قازاقستان رەسپۋبليكاسى دەنساۋلىق ساقتاۋ مينيسترلىگىنىڭ، «EiraMed» ج ش س، نۇر وتان پارتياسى «بىرلىك» فيليالىنىڭ، قىزىل جارتى اي قوعامىنىڭ قولداۋىمەن ءوتتى. ماراپاتقا ۇسىنىلعان ءاربىر دونور ەستەلىك سىيلىقتار الدى.
ددۇ-نىڭ مويىنداۋىنشا، بۇل ءىس-شارانىڭ ماقساتى بۇكىل الەمنىڭ قان قۇيۋ ءۇشىن ءقاۋىپسىز قان مەن ونىڭ كومپونەنتتەرىنە قاجەتتىلىگى تۋرالى، سونداي-اق ۇلتتىق دەنساۋلىق ساقتاۋ جۇيەلەرى ءۇشىن وتەۋسىز ەرىكتى قان دونورلىعىنىڭ ماڭىزدىلىعى تۋرالى حاباردارلىعىن ارتتىرۋ بولىپ تابىلادى. بۇل كۇن ۇكىمەتتەر مەن ۇلتتىق دەنساۋلىق ساقتاۋ ورگاندارىن ءتيىستى رەسۋرستاردى قامتاماسىز ەتۋگە جانە وتەۋسىز ەرىكتى قان دونورلىعىن كەڭەيتۋ ءۇشىن جۇيەلەر مەن ينفراقۇرىلىم قۇرۋعا شاقىرۋعا سەبەپ بولادى.
جىل سايىن ترانسفۋزيولوگيا عىلىمي-وندىرىستىك ورتالىعى وسىنداي ءىس-شارالار وتكىزەدى، ال ءتعوو Road brothers موتوكلۋبىمەن بىرلەسىپ داستۇرگە اينالعان موتوشەرۋدى ۇيىمداستىرادى. ەلوردالىق بايكەرلەر قۋانا دونورلىقتى ناسيحاتتاۋعا شاقىرادى.
ايتا كەتۋ كەرەك، قازاقستاندا 200 مىڭنان استام ادام جانە 18 مىڭعا جۋىق ادام ءۇش جانە ودان دا كوپ رەت قان تاپسىرادى. وتەۋسىز دونورلار، ەرىكتىلەر، ەلوردانىڭ ۇيىمدارى مەن كاسىپورىندارىنىڭ بارلىق ۇجىمدارى وتەۋسىز دونورلىقتىڭ دامۋىنا وزدەرىنىڭ باعا جەتپەس ۇلەستەرىن قوسادى.
ءقاۋىپسىز قان مەن ونىڭ كومپونەنتتەرى مەديسينالىق كومەك پەن قوعامدىق دەنساۋلىق ساقتاۋدىڭ ماڭىزدى قۇرامداس بولىگى بولىپ تابىلاتىنىن اتاپ وتكەن ءجون. مۇنداي جۇمىس كۇن سايىن ميلليونداعان ادامداردىڭ ءومىرىن قۇتقارۋعا، كوپتەگەن پاسيەنتتەردىڭ ءومىر ساپاسىن جاقسارتۋعا مۇمكىندىك بەرەدى. سوندىقتان، وعان مۇقتاج ءاربىر ادامنىڭ ءقاۋىپسىز قانعا قول جەتكىزۋىن قامتاماسىز ەتۋ ءۇشىن ەلدەردە قاندى تۇراقتى، ەرىكتى جانە وتەۋسىز تاپسىرۋعا دايىن دونورلار بولۋى قاجەت.
COVID-19 پاندەمياسىنىڭ ازاماتتار ءۇشىن شەكتەۋ شارالارى بولىگىندە قان قىزمەتىنىڭ جۇمىسىنا ءوز تۇزەتۋلەرىن ەنگىزگەنىنە قاراماستان، قازاقستاندا دا، كوپتەگەن ەلدەردە دە دونورلار قان ورتالىقتارىنا بارۋدى جانە وعان اسا مۇقتاج پاسيەنتتەر ءۇشىن قان تاپسىرۋدى جالعاستىردى.
2021 جىلعى دۇنيەجۇزىلىك قان دونورى كۇنىنىڭ ۇرانى – «سداۆايتە كروۆ، پۋست ۆ ميرە پۋلسيرۋەت جيزن». بۇل بۇكىل الەمدەگى كوپتەگەن ادامداردىڭ ۇنەمى قان تاپسىرۋعا جانە دەنساۋلىعىن جاقسارتۋعا جاھاندىق ۇندەۋلەرىن كۇشەيتەدى.