شىعىس قازاقستان وبلىسى اكىمىنىڭ ورىنباسارى دارحان ساپانوۆ شەكارا ماڭىنداعى الىس اۋدانداردا ءومىر ءسۇرۋ جاعدايىن جاقسارتۋ ءۇشىن كەشەندى شارالار ۇسىندى، دەپ حابارلايدى aqshamnews.kz.
توتەنشە تابيعي-كليماتتىق جاعداي قالىپتاسقان شەكارا ماڭىنداعى اۋىلداردىڭ تۇرعىندارىنا ەڭبەكاقىعا ۇستەمەاقى ەنگىزۋدى، سونداي-اق، ەڭبەك ءوتىلىن ەسەپتەۋدىڭ ارنايى نورمالارىن بەلگىلەۋدى ۇسىندى.
شەنەۋنىك "ديپلوممەن اۋىلعا" باعدارلاماسى بويىنشا وسىنداي ەلدى مەكەندەرگە كەلگەن جاس ماماندارعا كوتەرمە جاردەماقىنى ءۇش ەسەگە ارتتىرۋدى ۇسىندى: 100 اەك-تەن 300 اەك-كە دەيىن (2025 جىلى 393 200 تەڭگەدەن 1 179 600 تەڭگەگە دەيىن).
اكىمنىڭ ورىنباسارى بالا تۋۋعا بايلانىستى الەۋمەتتىك كومەكتى ارتتىرۋدى دا ۇسىندى:
ءتورتىنشى بالاعا دەيىن 38 اەك-تەن 57 اەك-كە دەيىن (2025 جىلى 149 416 تەڭگەدەن 224 124 تەڭگەگە دەيىن)؛
ءتورتىنشى بالادان كەيىن 63 اەك-تەن 95 اەك-كە دەيىن (2025 جىلى 247 716 تەڭگەدەن 373 540 تەڭگەگە دەيىن).