الماتىداعى كارديولوگيا جانە ىشكى اۋرۋلار عزي-دا يسپانيا جانە اۆستريانىڭ جەتەكشى ينتەرۆەنسيالىق كارديولوگتاردىڭ جەتەكشىلىگىمەن اسا كۇردەلى وتالار جاسالدى.
شەبەرلىك ساباعى اياسىندا ەلىمىزدىڭ ينتەرۆەنسيالىق كارديولوگتارىنىڭ قاتىسۋىمەن يسپانيا – حوسە ف.دياس فەرناندەس جانە اۆستريانىڭ – اۋرەل توما سياقتى جەتەكشى ينتەرۆەنسيالىق كارديولوگتاردىڭ جەتەكشىلىگىمەن سوڭعى بۋىن وزدىگىنەن كەڭەيەتىن كلاپان ورناتۋىمەن (الماتىدا العاش رەت) TAVI وپەراسيالارى جانە دارى-دارمەكپەن قاپتالعان باللونداردى قولدانۋىمەن كۇردەلى ارالاسۋلار جاسالدى.
يننوۆاسيالىق TAVI ءادىسى قولقا قاقپاقشاسىنىڭ اشىق حيرۋرگياسى كەزىندە اسقىنۋلار مەن ءولىم ءقاۋپى جوعارى اۋىر قولقا ستەنوزى بار ناۋقاستارعا ارنالعان. ونىڭ بىرەگەيلىگى – ءادىستىڭ ءينۆازيۆتى سيپاتىندا عانا ەمەس، سونىمەن قاتار يمپلانتاسيالانعان كلاپانداردا.
ترانسكاتەتەرلى قولقا قاقپاقشاسىن يمپلانتاسيالاۋ جۇيەسى سوڭعى بۋىن وزدىگىنەن كەڭەيەتىن كلاپاننان جانە يكەمدى جەتكىزۋ جۇيەسىنەن تۇرادى. ناۆيتور – وزدىگىنەن اشىلاتىن جالعىز كلاپان. بۇل سيپاتتامالار يمپلانتاسيانىڭ وڭتايلى تەرەڭدىگىنە قول جەتكىزۋگە مۇمكىندىك بەرەدى. قايتا جاسالاتىن وپەراسيالار ءقاۋپى ايتارلىقتاي تومەندەيدى. كلاپاننىڭ ارتىقشىلىقتارى - ءقاۋىپسىز وپەراسيالار جاساۋعا، ەڭ جاقسى كلينيكالىق ناتيجەلەرگە قول جەتكىزۋگە جانە پاسيەنتتىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى.
ەكىنشى شەبەرلىك كلاسىنىڭ قاتىسۋشىلارى كورونارلىق ارتەريالاردىڭ زاقىمدانۋىنىڭ كۇردەلى جاعدايلارىن ەمدەۋدىڭ وزىق ادىستەرىمەن تانىسۋدىڭ بىرەگەي مۇمكىندىگىنە يە بولدى.
دارى-دارمەك شىعاراتىن باللونداردى قولدانۋ كورسەتكىشتەرىن كەڭەيتۋ – جەتەكشى ينتەرۆەنسيالىق كارديولوگيادى ترەندتەردىڭ ءبىرى. ەگەر بۇرىن ولار نەگىزىنەن رەستەنوزدار ءۇشىن قولدانىلسا، بۇگىنگى كۇنى جاقسى كلينيكالىق ناتيجەلەر بەرەتىن سوزىلمالى وككليۋزيالار ءۇشىن ءتيىمدى قولدانىلادى. الەمدىك مەديسينالىق زەرتتەۋلەردىڭ سوڭعى ناتيجەلەرى كەيبىر جاعدايلاردا كورونارلىق ستەنتسىز جاساۋعا بولاتىنىن كورسەتتى.
«ءبىزدىڭ يسپاندىق جانە اۆستريالىق ارىپتەستەرىمىز – الەمدەگى ەڭ تانىمال ماماندار. ءبىز ولاردى يننوۆاسيالىق تەحنولوگيالارمەن الماسۋعا شاقىردىق. قازاقستاننىڭ مەديسيناسى الەمنىڭ الدىڭعى قاتارلى كلينيكالارىنان قالماي، زامان اعىمىنا ساي ىلگەرى جىلجىپ كەلەدى. مۇنداي كۇردەلى وپەراسيالاردى حيرۋرگيالىق ادىستەردى شەبەرلىكپەن مەڭگەرگەن ماماندار عانا جاسايدى. بىزدە جوعارى بىلىكتى ماماندار مەن قاجەتتى قۇرال-جابدىقتار بار»، – دەدى باسقارما ءتوراعاسى مارات پاشيموۆ.
4 وتا جاسالدى، بارلىعى ءساتتى ءوتتى. ونىڭ ىشىندە 84 جاستاعى ناۋقاس تا بار.