جەكەشەلەندىرۋدىڭ كەشەندى جوسپارىن ىسكە اسىرۋ اياسىندا 368 نىسان باسەكەلەس ورتاعا بەرىلدى. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە ۇكىمەت باسشىسى ءاليحان سمايىلوۆ ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«سونىمەن قاتار، جەكەشەلەندىرۋدىڭ كەشەندى جوسپارىن ىسكە اسىرۋ اياسىندا 368 نىسان باسەكەلەس ورتاعا بەرىلدى، 62ء-سى تاراتىلۋ نەمەسە قايتا قۇرۋ ساتىسىندا»، - دەدى ءاليحان سمايىلوۆ.
ونىڭ ايتۋىنشا، بيىل تاعى 106 نىسان ساتۋعا قويىلادى جانە «KEGOC» كومپانياسى SPO-عا شىعارىلادى (اكسيالاردى قايتالاما ورنالاستىرۋ).
ۇكىمەت باسشىسى كاسىپكەرلىك سالاسىندا سيفرلاندىرۋدى ەنگىزۋ قارقىندى جالعاساتىنىن ايتتى. سونىمەن قاتار، جاڭا بيۋدجەت جانە سالىق كودەكستەرىنىڭ جوبالارىن ازىرلەۋ بويىنشا بەلسەندى جۇمىس جۇرگىزىلىپ جاتىر.