قارجى ءمينيسترى ەرۇلان جاماۋبايەۆ ۇكىمەت وتىرىسىندا ۋاكىلەتتى ەكونوميكالىق وپەراتورلاردىڭ ەسەپتىك جۇيەلەرىنە قول جەتكىزۋ ءۇشىن ولاردى كولدەنەڭ مونيتورينگ جۇيەسىنە قوسۋ جوسپارلانىپ وتىرعانىن ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«كەدەندىك اكىمشىلەردىرۋدى جاقسارتۋ شەڭبەرىندە ۋاكىلەتتى وپەراتورلارعا قويىلاتىن تالاپتار كۇشەيتىلەدى. بارلىق ۋاكىلەتتى ەكونوميكالىق وپەراتورلاردىڭ ەسەپتىك جۇيەلەرىنە قول جەتكىزۋ ءۇشىن ولار كولدەنەڭ مونيتورينگ جۇيەسىنە قوسىلاتىن بولادى. جالپى، كەدەن سالاسىنداعى زاڭبۇزۋشىلىقتار ءۇشىن جاۋاپكەرشىلىكتى قاتاڭداتۋ بويىنشا شارالار قابىلدانادى. جاقىندا مۇددەلى مەملەكەتتىك ورگاندارمەن بىرلەسىپ، مەملەكەتتىك شەكاراداعى ءتارتىپتى قامتاماسىز ەتۋ ءۇشىن كەشەندى تەكسەرۋ جۇرگىزىلەدى»، - دەدى مينيستر.
ۆەدومستۆو باسشىسىنىڭ سوزىنە قاراعاندا، كەيىنگى بەس جىلدا جۇڭگو حالىق رەسپۋبليكاسىمەن ايقىن ستاتيستيكا بويىنشا الشاقتىقتار 60 پايىزدان 40،4 پايىزعا دەيىن تومەندەگەن.
«جۇڭگو حالىق رەسپۋبليكاسىمەن جانە باسقا دا ەلدەرمەن كەدەندىك ستاتيستيكانىڭ الشاقتىقتارىن قىسقارتۋ بويىنشا جۇمىس جالعاستىرىلادى»، - دەدى ەرۇلان جاماۋبايەۆ.