قازاقستاندا كوروناۆيرۋستان ەمدەۋدىڭ كلينيكالىق حاتتامالارىنا جاڭا يننوۆاسيالىق پرەپاراتتار ەنگىزىلەدى. بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«مەملەكەت باسشىسىنىڭ تاپسىرماسى بويىنشا كوروناۆيرۋس ينفەكسياسىمەن كۇرەس جۇيەلى تۇردە جالعاسادى. ءبىرىنشى، كۆي بار پاسيەنتتەرگە ءتيىمدى مەديسينالىق كومەك كورسەتۋ ماقساتىندا ۋاقتىلى دياگنوستيكالاۋدى جانە امبۋلاتوريالىق ەمدەۋدى قامتاماسىز ەتە وتىرىپ، مساك ۇيىمدارىنىڭ جۇمىسى قارقىندى جالعاستىرىلاتىن بولادى. ەكىنشى، بۇگىنگى تاڭدا 14 مىڭنان استام ينفەكسيالىق توسەك-ورىن بار. ەلىمىزدە قوسىمشا 50 مىڭعا دەيىن ينفەكسيالىق توسەك-ورىن اشۋعا دايىندىق بار»، - دەدى مينيستر.
ونىڭ اتاپ وتۋىنشە، ءۇشىنشى، حالىقارالىق تاجىريبەنى ەسكەرە وتىرىپ، كۆي دياگنوستيكاسى مەن ەمدەۋدىڭ كلينيكالىق حاتتامالارىنا جاڭا يننوۆاسيالىق پرەپاراتتار ەنگىزىلەدى.
«ءتورتىنشى، حالىقتى ۆاكسينالاۋ جانە قايتا ۆاكسينالاۋ جالعاسادى. ول ءۇشىن شامامەن 6،5 ملن دوزا ۆاكسينانى قوسىمشا ساتىپ الۋ بويىنشا ءىس-شارالار قابىلدانۋدا. بەسىنشى، قالىپتاسىپ وتىرعان ەپيدەميولوگيالىق احۋالدى ەسكەرە وتىرىپ، ەل ىشىندە دە، مەملەكەتتىك شەكارادا دا قوسىمشا شەكتەۋ ءىس-شارالارى جەدەل ەنگىزىلەدى»، - دەدى اجار عينيات.