قازاقستان-قىتاي اراسىنداعى «نۇر جولى» كەدەن بەكەتى تاۋلىك بويى جۇمىس ىستەي باستادى.
ترانزيتتىك الەۋەتىمىزدى ارتتىراتىن جوبا ەكى ەل اراسىنداعى كەلىسىم اياسىندا جۇزەگە استى. باستاما قىركۇيەكتىڭ وتىزىنا دەيىن جالعاسادى، دەپ حابارلايدى Almaty-akshamy.kz 24.kz-كە سىلتەمە جاساپ.
ءبىر جارىم اي ىشىندە تاۋلىكتىك تاۋار اينالىمىنىڭ تيىمدىلىگى زەرتتەلەدى. جاڭا جۇمىس جۇيەسىنە بايلانىستى قىزمەتكەر سانى كوبەيتىلدى. جالپى الىس - بەرىس كورسەتكىشى جاقساردى، دەيدى ماماندار. جەتىسۋ وبلىستىق كىرىستەر دەپارتامەنتى ماماندارىنىڭ مالىمەتىنشە، بۇرىن تاۋلىگىنە 450 كولىككە دەيىن ەل اۋماعىنا كىرسە، ءقازىر ەكى ەسەگە ارتىپ وتىر. سايكەسىنشە قازىنا قارجىسى دا ەسەلەنە تۇسكەن.
فارحات يسايەۆ، وبلىستىق مكد ءبولىم باسشىسى: - ءبىزدىڭ بيۋدجەتىمىزگە تۇسەتىن تۇسىمدەرگە پايداسىن تيگىزىلىپ جاتىر. بۇرىن ورتا ەسەپپەن تاۋلىگىنە 250-300 ملن تەڭگە تۇسەتىن بولسا بەس ءجۇز ملن تەڭگەگە دەيىن ءتۇسىم ءتۇستى.