الماتىداعى ونەركاسىپ پاركتەرىنىڭ اۋدانى 2025 جىلعا قاراي 250 مىڭ م2-گە دەيىن ۇلكەيەدى
بۇل تۋرالى وكق بريفينگىندە الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ مالىمدەدى، دەپ حابارلايدى Almaty-akshamy.kz
شاعىن ونەركاسىپتىك پاركتەرگە بيزنەس تاراپىنان جوعارى قىزىعۋشىلىق وسى اۋماقتاردىڭ دامۋىنا تۇرتكى بولادى. الاڭدار كاسىپكەرلەر تاراپىنان سۇرانىسقا يە، ال جەڭىلدەتىلگەن شارتتار باعدارلاماعا جاڭا قاتىسۋشىلارىن تارتادى.
«رەزيدەنتتەر ءۇشىن 3 جىلعا دەيىنگى مەرزىمگە 1 350 تەڭگەدەن كوممۋنيكاسيالارى تارتىلعان ارلەنگەن ءۇي-جايلار كوزدەلگەن، كەيىننەن جالعا بەرىلەتىن ءۇي-جايدىڭ ءبىر شارشى مەترىن 180 مىڭ تەڭگەدەن ساتىپ الۋ مۇمكىندىگى بار، سونىمەن قاتار، ونەركاسىپ پاركتەرىنىڭ رەزيدەنتتەرىنە 7 جىلعا دەيىنگى مەرزىمگە 70 ملن تەڭگەگە دەيىنگى سوماعا جىلدىق 2%-بەن جەڭىلدەتىلگەن نەسيە بەرىلەدى»، - دەىد بەرىك سولتانبايەۆ.
ءتيىستى باسقارمانىڭ باسشىسى قازىرگى ۋاقىتتا الماتىدا شاعىن ونەركاسىپ پاركتەرىنىڭ 30 مىڭ شارشى مەتردەن استام ءۇي-جايلارى سالىنعانىن ايتتى. ءقازىردىڭ وزىندە ولار كاسىپكەرلىك سۋبەكتىلەرىمەن تولىقتى جانە 2025 جىلعا قاراي اۋدانىن 250 مىڭ شارشى مەترگە دەيىن ۇلعايتۋ جوسپارلانعان.