الماتى قالاسىنداعى «جەتىسۋ» كەدەن بەكەتىندە 2024 جىلعى 2 ءساۋىر - 30 ماۋسىم ارالىعىندا «كەدەن» اقپاراتتىق جۇيەسىندە ەكسپرەسس-جۇكتەردى دەكلاراسيالاۋ جونىندەگى پيلوتتىق جوبا جۇرگىزىلۋدە.
ەگەر بۇل جوبا ءساتتى اياقتالسا، الداعى ۋاقىتتا بارلىق كەدەندىك بەكەتتەردە ەنگىزىلەدى، دەپ حابارلايدى اlmaty-akshamy.kz.
اتالعان جوبا مەملەكەتتىك ورگاننىڭ قىزمەتىندە بيۋروكراتيادان ارىلتۋ، ەكسپرەسس-جۇكتەرگە كەدەندىك دەكلاراسيانى ۇسىنۋدى اۆتوماتتاندىرۋ، قۇجات اينالىمىن جەتىلدىرۋ جانە قىسقارتۋ، سونداي-اق بيزنەس-پروسەسستەردى وڭتايلاندىرۋ ماقساتىندا جۇرگىزىلەدى.
قىسقا ۋاقىت ىشىندە جەكە جۇكقۇجاتتارمەن الۋشىعا جەتكىزۋ ماقساتىندا جەدەل تاسىمالداۋ شەڭبەرىندە تاسىمالداناتىن تاۋار ەكسپرەسس-جۇك رەتىندە سانالادى.
پيلوتتىق جوبا شەڭبەرىندە «كەدەن» اقپاراتتىق جۇيەسىندە ەكسپرەسس-جۇكتەر ءۇشىن جولاۋشىلار كەدەندىك دەكلاراسياسىن جانە ەكسپرەسس-جۇكتەر ءۇشىن تاۋارلارعا ارنالعان دەكلاراسيانى كەدەن وكىلدەرى تولتىرادى. سونىمەن قاتار مەملەكەتتىك كىرىستەر ورگاندارىنىڭ ۋاكىلەتتى لاۋازىمدى ادامدارى ولاردى قابىلداۋدى جانە وڭدەۋدى جۇزەگە اسىرادى.
كەدەن وكىلدەرىنىڭ ەكسپرەسس-جۇكتەر ءۇشىن ارنالعان كەدەندىك دەكلاراسياعا مىندەتتى تۇردە قوسا بەرەتىن قۇجاتتاردى قاعاز تۇرىندە بۇرىنعىداي ۇسىنا الادى.
پيلوتتىق جوبانىڭ قاتىسۋشىلارى «كەدەن» اقپاراتتىق جۇيەسىندە ەكسپرەسس-جۇكتەر ءۇشىن تاۋارلارعا ارنالعان دەكلاراسيا بويىنشا شىعارۋ جانە كەدەندىك تولەمدەر مەن سالىقتاردىڭ سومالارىن ەسەپتەن شىعارۋ ءۇشىن 106119 بيۋدجەتتىك سىنىپتاما كودى قولدانىلۋى ءتيىس.
«كەدەن» جۇيەسىندە جۇمىس ىستەۋ ءۇشىن ۇلتتىق كۋالاندىرۋشى ورتالىقتىڭ ەلەكتروندى سيفرلىق قولتاڭباسى بولۋى شارت. اقپاراتتىق جۇيە https://keden.kgd.gov.kz/ سىلتەمەسى بويىنشا قول جەتىمدى.