ەلىمىزدە مەملەكەتتىك ورتا ءبىلىم بەرۋ ۇيىمدارىنىڭ باسشىلارى مەن پەداگوگتەرىنىڭ بىلىكتىلىگىن ارتتىرۋ كۋرستارى باستالدى.
كۋرستاردى «ورلەۋ» بىلىكتىلىكتى ارتتىرۋ ۇلتتىق ورتالىعى جۇرگىزەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«ءقازىر كۋرستاردا 5665 پەداگوگ وقىپ جاتىر. ءبىلىم بەرۋ باعدارلامالارىنىڭ مازمۇنى مودو، ەنت، PISA/PIRLS ناتيجەلەرىنىڭ ستاتيستيكاسىنا نازار اۋدارا وتىرىپ جاڭارتىلدى. باعدارلامالاردىڭ جاڭارتىلعان قۇرىلىمىندا پەداگوگتەردىڭ زەرتتەۋ جانە جوبالاۋ قۇزىرەتتەرىن دامىتۋ بويىنشا قوسىمشا مودۋل بار»، - دەيدى باسقارما ءتوراعاسى ەلامان ايبۋلدينوۆ.
قازىرگى ۋاقىتتا ورتالىقتا 41 ءبىلىم بەرۋ باعدارلاماسى ىسكە اسىرىلۋدا. بيىل بارلىعى 68 000-نان استام پەداگوگ وقىتىلادى دەپ جوسپارلانعان. ونىڭ ىشىندە ءبىلىم بەرۋ ۇيىمدارىنىڭ باسشىلارى، باستاۋىش سىنىپ مۇعالىمدەرى بار. بۇل شارالاردىڭ بارلىعى پەداگوگتەردىڭ كاسىبي بىلىكتىلىگىن ارتتىرۋعا جانە ەلىمىزدەگى ءبىلىم بەرۋ ستاندارتتارىن جاقسارتۋعا باعىتتالعان.