سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جىل سوڭىنا دەيىن Kcell «قازاقتەلەكوم» اكسيونەرلىك قوعامى قۇرامىنان شىعارىلاتىنىن ايتتى، دەپ حابارلايدى Almaty-akshamy.kz.
«Kcellء-دى شىعارۋ بويىنشا دەدلاين قانداي؟ ءبىر جاعىنان 5G بولماعان كەزدە ونى ەشكىم ساتىپ المادى، ءتيىمسىز ەدى. ءقازىر باعاسى ارتا تۇسەدى»، - دەپ سۇرادى ب ا ق وكىلى مينيستردەن.
«مەن «سامۇرىق-قازىنا» اق-نىڭ الدىنا قانداي مەرزىم قويسام دا، قىزىعۋشىلىق تانىتقان ويىنشىنىڭ باعا مەن ساتىپ الىناتىن اكتيۆتىڭ سايكەستىگىن تەكسەرۋ ءراسىمىنسىز «سامۇرىق-قازىنا» due diligence بويىنشا جۇمىس جۇرگىزبەيدى. ءبىز ۇكىمەتتىڭ اتىنان جىل سوڭىنا دەيىن وپەراتورلاردىڭ ءبىرىن «قازاقتەلەكومنىڭ» قۇرامىنان شىعارۋ تۋرالى مىندەت قويدىق. «سامۇرىق-قازىنا»-نىڭ اقپاراتى بويىنشا، ءقازىر ەكى قىزىعۋشىلىق تانىتقان ويىنشى due diligence راسىمىنەن ءوتىپ جاتىر. ءقازىر ءبىز ولاردىڭ كىم ەكەنىن ايتا المايمىز»، - دەدى باعدات مۋسين بۇگىن ۇكىمەت وتىرىسىنان كەيىن تىلشىلەرگە بەرگەن سۇحباتىندا.