ەلىمىزگە كەلەتىن ەڭبەك ميگرانتتارىنىڭ دەنى قاي مەملەكەتتەن؟

1 شiلدەدەگi جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14 762 شەتەلدىك ەڭبەك ەتەدى.

 بۇل اقپاراتتى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى Almaty-akshamy.kz.

ەڭبەك ميگرانتتارى كەلەتىن نەگىزگى ەلدەر:

- جۇڭگو – 3 729 ادام (25%)؛

- وزبەكستان – 1 967 ادام (13%)؛

- ءۇندىستان – 1 461 ادام (10%)؛

- تۇركيا – 1 454 ادام (10%).

ەڭبەك جانە حالىقتى الەۋمەتتىك قورعاۋ مينيسترلىگى شەتەل ماماندارىن تارتۋعا بيىلعا 22 260 كۆوتا ءبولدى.

ايتا كەتەيىك، ەلىمىزدە ميگرانتتار ەڭبەگىن زاڭدى پايدالاناتىن 1 751 جۇمىس بەرۋشى بار. ولاردا 433،4 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%.

ميگرانتتار ەڭ كوپ ەڭبەك ەتەتىن سالالار:

- قۇرىلىس سالاسى – 5 204 ادام (35%)؛

- اۋىل، ورمان جانە بالىق شارۋاشىلىعى – 1 895 ادام (13%)؛

- تاۋ-كەن ونەركاسىبى جانە كارەرلەردى قازۋ – 1 346 ادام (9%)؛

- وڭدەۋ ونەركاسىبى – 1 128 ادام (7%)؛

- كاسىبي، عىلىمي جانە تەحنيكالىق قىزمەت – 850 ادام (6% ).

شەتەلدىك جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار:

- باسشىلار مەن ولاردىڭ ورىنباسارلارى ءۇشىن 537 رۇقسات (ءبىرىنشى سانات):

- قۇرىلىمدىق بولىمشەلەردىڭ باسشىلارى ءۇشىن 2 751 رۇقسات (ەكىنشى سانات).

سىرتتان تارتىلعان جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – سايكەسىنشە 6 598 جانە 833 ادام. سونداي-اق ماۋسىمدىق جۇمىستارعا 1 940 ادام، ال كورپوراتيۆتىك اۋىستىرۋ اياسىندا 2 103 ادام تارتىلدى.