بۇل جايىندا ءماجىلىس دەپۋتاتىنىڭ ساۋالىنا ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ جاۋابىندا ايتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تەحنيكالىق پارامەترلەرگە سايكەس، جۇمىس ىستەپ تۇرعان -1 جوعارى رۇقساتتى، «KazEOSat-2» ورتا رۇقساتتى جەردى قاشىقتان زوندتاۋ عارىش اپپاراتتارىنىڭ بەلسەندى قىزمەت ەتۋ مەرزىمى 2021 جىلى اياقتالدى. سونىمەن قاتار، «قازاقستان عارىش ساپارى» ۇك» اق (جقز وپەراتورى) تەحنيكالىق اۋديت قورىتىندىسى بويىنشا سپۋتنيكتەردى پايدالانۋ مەرزىمى 2024 جىلعا دەيىن ۇزارتىلدى. وسى سپۋتنيكتەردى الماستىرۋ ماقساتىندا قورعانىس قابىلەتىن جانە ۇلتتىق قاۋىپسىزدىكتى ارتتىرۋدىڭ ستراتەگيالىق ماسەلەسىن ەسكەرە وتىرىپ، سونداي-اق ازاماتتىق سەكتوردىڭ مۇقتاجدىقتارى ءۇشىن بولاشاق سپۋتنيكتەر توبىنىڭ پەرسپەكتيۆالىق تەحنيكالىق كەلبەتى پىسىقتالۋدا»، - دەدى ول.
ءبىرىنشى ۆيسە-پرەمەردىڭ اتاپ وتۋىنشە، ۋاكىلەتتى ورگان جوعارى رۇقساتتى جەردى قاشىقتان زوندتاۋدىڭ ءبىر عارىش اپپاراتىنان جانە «كۋبسات» سەرياسىنداعى 16 ورتا رۇقساتتى اپپاراتتاردان توپ قۇرۋ جونىندەگى تەحنيكالىق-ەكونوميكالىق نەگىزدەمە ازىرلەيدى.
«الدىن الا باعالاۋلار بويىنشا جوبانىڭ جالپى قۇنى شامامەن 18 ملرد تەڭگەنى قۇرايدى»، - دەدى رومان سكليار.