قاتاردا ءوتىپ جاتقان فۋتبولدان 2022 جىلعى الەم چەمپيوناتىندا بۇگىن، 18 جەلتوقساندا، فينالدا ارگەنتينا مەن فرانسيا كەزدەسۋى وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
كەزدەسۋ ەلوردا ۋاقىتىمەن 18 جەلتوقساندا ساعات 21:00-دە باستالادى.
تىكەلەي ەفير «Qazaqstan» جانە «Qazsport» تەلەارنالارىنان كورسەتىلەدى.
كەزدەسۋ ەل استاناسى لۋسايل قالاسىنداعى 88966 جانكۇيەرگە ارنالعان «لۋسايل ايكونيك» ستاديونىندا وتەدى.
باس تورەشى - پولشالىق شيمون مارسينياك. وعان وتانداستارى پاۆەل سوكولنيسكي مەن توماش ليستكيەۆيچ كومەكشى بولادى. قوسالقى تورەشى - اقش-تان كەلگەن يسمايل ەلفات.
FIFA رەيتينگىندە ارگەنتينا 3، فرانسيا 4-ورىندا تۇر.
ەكى قۇراما بۇعان دەيىن ون ءۇش مارتە كەزدەستى. ونىڭ 7-دە ارگەنتينا، 3-دە فرانسيا جەڭىسكە جەتسە، قالعانىندا تەڭ ناتيجە تىركەلدى.
2018 جىلعى الەم چەمپيوناتى 1/8 فينالىندا فرانسيا اتالعان قارسىلاسىن 4:3 ەسەبىمەن جەڭگەن ەدى.
توپتىق كەزەڭدە ارگەنتينا س توبىندا ساۋد ارابياسىنا 1:2 ەسەبىمەن ەسە جىبەرىپ، مەكسيكا مەن پولشانى 2:0 ەسەبىمەن جەڭسە، 1/8 فينالدا اۆستراليانى 2:1 ەسەبىمەن ۇتتى.
شيرەك فينالدا نيدەرلاندپەن نەگىزگى كەزەڭدە 2:2 ەسەبىمەن تەڭ ءتۇسىپ، پەنالتي تەبۋدە 4:3 ەسەبىمەن جەڭىسكە جەتتى. جارتىلاي فينالدا ولار حورۆاتيانى 3:0 ەسەبىمەن جەڭدى.
توپتىق كەزەڭدە D توبىندا ويناعان فرانسيا اۆستراليادان 4:1، دانيادان 2:1 ەسەبىمەن باسىم تۇسسە، تۋنيسكە 0:1 ەسەبىمەن جول بەردى.
ال، 1/8 فينالدا پولشانى 3:1، 1/4 فينالدا انگليانى 2:1، جارتىلاي فينالدا ماروككونى 2:0 ەسەبىمەن تىزە بۇكتىردى.