قونايەۆ باعىتى بويىنشا مارافوندىق جۇگىرۋ بۇگىن، 18 جەلتوقساندا، ءوتتى. جۇگىرۋ سالاۋاتتى ءومىر سالتىن ناسيحاتتاۋ، ادامداردىڭ كۇندەلىكتى ومىرىنە دەنساۋلىق پەن سپورت نەگىزدەرىن ەنگىزۋ ماقساتىندا ۇيىمداستىرىلدى.
جارىس الماتىدا دىنمۇحامەد قونايەۆتىڭ ءبيۋستىنىڭ جانىنان باستاۋ الدى.
- بۇگىن ءبىز الماتى-قونايەۆ مارافونىن وتكىزىپ جاتىرمىز. الماتى قالاسىنىڭ اكىمدىگىنە، الماتى وبلىسىنىڭ، قونايەۆ قالاسىنىڭ اكىمدىگىنە، جۇگىرۋدى ۇيىمداستىرۋشىلارعا، سونداي-اق "الماتى" مارافون كلۋبىنىڭ سپورتشىلارىنا العىسىمدى بىلدىرگىم كەلەدى. بيىل دىنمۇحامەد احمەت ۇلى قونايەۆتىڭ 110 جىلدىعىنا وراي ءبىز كوپتەگەن وڭىرلەردە، تارازدا، تۇركىستاندا، شىمكەنتتە، قونايەۆ قالاسىندا كوپتەگەن ءىس-شارالار وتكىزدىك. ونلاين ءىس-شارالار دا ءوتتى، - دەپ اتاپ ءوتتى حالىقارالىق د.ا.قونايەۆ اتىنداعى قوردىڭ ۆيسە-پرەزيدەنتى بولات قوجىاقبار.
سپورتشىلار بوگەنباي باتىر كوشەسىمەن 100 مەترگە جۇگىرىپ ءوتىپ، اۆتوبۋسقا وتىردى. مارافون الماتى شەكاراسىنان قونايەۆ قالاسىنا دەيىن جالعاستى. ونىڭ ۇزىندىعى 75 شاقىرىمدى قۇرادى.
- ءبىز، 15 ادامنان تۇراتىن كوماندا، ءبىر- ءبىرىمىزدى الماستىرا وتىرىپ، الماتى قالاسىنىڭ شەكاراسىنان قونايەۆ قالاسىنىڭ شەكاراسىنا دەيىن جۇگىرىپ وتەمىز. سودان كەيىن سپورتشىلار ارالاسىپ، كولوننامەن بىرگە قونايەۆ قالاسىندا مارافون اياقتالادى. ءبىز - ءبارىمىز اۋەسقوي-مارافونشى سپورتشىلارمىز. وسىنداي جارىستارعا بەلسەنە قاتىسامىز، - دەپ ءبولىستى كوماندا كاپيتانى قايىربولات ەگەۋبايەۆ.
مارافونعا قاتىسۋشىلاردىڭ ەڭ جاسى 14 جاستا، ال ەڭ ۇلكەنى — 83 جاستا.