ءتۋرنيردى الماتى قالاسىنىڭ سپورت باسقارماسى ۇيىمداستىردى. تورەشىلىكتى الماتى فۋتبول فەدەراسياسى قامتاماسىز ەتتى.
جاياۋ فۋتبول - 50 جاستان اسقان ادامدارعا ارنالعان فۋتبول ءتۇرى. ول ۇلىبريتانيادا ءارتۇرلى سەبەپتەرمەن ءداستۇرلى ويىندى ويناي المايتىن ەگدە جاستاعى فۋتبول اۋەسقويلارى ءۇشىن جاسالعان. ويىن ەرەجەلەرىنە سايكەس، جۇگىرۋگە بولمايدى. ەگەر ويىنشى جۇگىرسە، وندا قارسىلاستىڭ پايداسىنا ايىپپۇل تاعايىندالادى. ويىن كەزىندە دوپ باسىنان جوعارى كوتەرىلمەۋى كەرەك.
- بۇگىنگى جاياۋ فۋتبولدان ءتۋرنيردى العاش رەت وتكىزىپ جاتىرمىز. ءبىز بۇل شاراعا رەگلامەنت جاساپ، ونى تۇراقتى ەتەمىز. قازىرگى تاڭدا الماتى قالاسىنىڭ ءبىرىنشى چەمپيونى اتاعى ويناتىلۋدا، - دەدى الماتى قالاسى بويىنشا فۋتبولدىڭ باس حاتشىسى ۆلاديمير احۋنوۆ.
ايتا كەتۋ كەرەك، جاياۋ فۋتبول ويناۋ جۇرەك-قانتامىر جۇيەسىن نىعايتۋعا كومەكتەسەدى.
- جاياۋ فۋتبول حالىقتى ساۋىقتىرۋ ءۇشىن ارنايى جاسالعان. ول مەديسينالىق سەبەپتەرمەن جۇگىرۋگە تىيىم سالىنعان ادامداردى قامتيدى، - دەپ ءبولىستى ءىس-شارانى ۇيىمداستىرۋشىسى ادامبەكوۆ.
ويىن قورىتىندىسى بويىنشا ورىندار كەلەسىدەي ءبولىندى:
1-ورىن - الماتى قالاسى فۋتبول فەدەراسياسىنىڭ فۋتبول كومانداسىنا، 2-ورىن - "جەلتوقسان" فۋتبول كومانداسىنا جانە 3-ورىن - "رەال" فۋتبول كومانداسىنا تابىستالدى.
سونداي-اق، قازىلار القاسىنىڭ مۇشەلەرى "مارسياندىق" فۋتبول كومانداسىن ەرەكشە اتاپ ءوتىپ، ولارعا ەستەلىك سىيلىقتار بەردى.
جاياۋ فۋتبولدان ءبىرىنشى ءتۋرنيردىڭ جەڭىمپازدارى ديپلومدارمەن جانە باعالى سىيلىقتارمەن ماراپاتتالدى.