ەۋروپا ەلدەرىنىڭ ساياساتكەرلەرى اراسىندا بەدەل ينستيتۋتى قالىپتاسقان. جاڭىلعان قادام، شىعارىلعان قاتە شەشىم، ءتىپتى قاراما-قايشى سويلەمنىڭ سوڭى مانسابىڭىزدىڭ اياقتالۋىنا الىپ كەلۋى مۇمكىن.
جاقىندا 46 جاستاعى ۆەنگريا پرەزيدەنتى كاتالين نوۆاك قوعام پىكىرىمەن جاسالعان قىسىمعا توتەپ بەرە الماي قىزمەتىنەن كەتتى.
ەكى جىلعا جۋىق ۋاقىت بۇرىن ەل تاريحىندا بۇل لاۋازىمدى اتقارعان العاشقى ايەل بولعان ساياساتكەر بالالار ۇيىندەگى سەكسۋالدىق قىلمىستار تۋرالى جانجالدى جابۋعا تىرىسقان تۇتقىنعا راقىمشىلىق جاساۋ تۋرالى شەشىمىنە بايلانىستى قىزمەتىنەن كەتۋگە ءماجبۇر بولدى.
«مەملەكەت باسشىسى رەتىندە مەن بۇگىن سوڭعى رەت سويلەپ تۇرمىن. مەن رەسپۋبليكانىڭ پرەزيدەنتى قىزمەتىنەن كەتەمىن. مەن قاتەلەسىپپىن. بۇل جەردە ەشقانداي كۇمان جوق جانە بولۋى دا مۇمكىن ەمەس. بالالاردى قورلاعان كەز كەلگەن ادامدى كەشىرە المايمىن. «بالالاردى قورعاۋ - ءبىزدىڭ ورتاق مىندەتىمىز»، - دەپ ءوز قىزمەتىنەن كەتۋ سەبەبىن ءتۇسىندىردى M1 تەلەارناسى ارقىلى.
نوۆاك قاتەلىگىن مويىنداپ، ۆەنگرلەردەن كەشىرىم سۇرادى.