سيفرلىق تەحنولوگيالاردىڭ قارقىندى دامۋىن ەسكەرە وتىرىپ، مۇنى ونلاين رەجيمدە جاساۋعا بولادى.
رۇقسات الۋ ءتارتىبىن اقبوتا قۋانىشبەك قىزى تۇسىندىرگەن بولاتىن.
اڭشىلىق مىلتىقتاردى ساقتاۋعا جانە الىپ جۇرۋگە رۇقسات الۋ ءۇشىن سىزدە وزىڭىزبەن بىرگە مىنالار بولۋى كەرەك.
- ەلەكتروندى سيفرلىق قولتاڭبا (ەسپ)،
- NCAlayer باعدارلاماسى ورناتىلعان دەربەس كومپيۋتەر، اڭشىنىڭ جەكە كۋالىگىنىڭ ەلەكتروندىق كوشىرمەسى؛
- قارۋمەن ءقاۋىپسىز جۇمىس ىستەۋ بويىنشا كۋرستاردى بىتىرگەنى تۋرالى انىقتامانىڭ ەلەكتروندىق كوشىرمەسى؛
- 076/ۋ نىساندى مەديسينالىق قورىتىندىنىڭ ەلەكتروندىق كوشىرمەسى؛
- مىلتىقتان اتۋ تۋرالى كۋالىكتىڭ ەلەكتروندىق كوشىرمەسى؛
- مەملەكەتتىك باجدى تولەۋ تۋرالى تۇبىرتەك.
ەسكەرەتىن ءبىر جايت، قۇجاتتاردىڭ ەلەكتروندىق كوشىرمەلەرى كومپيۋتەردە جەكە پاپكادا ساقتالۋى كەرەك.
سونىمەن الدىمەن www.elisense.kz پورتالىنا اۆتوريزاسيا ەلەكتروندىق سيفرلىق قولتاڭباسى ارقىلى تىركەلۋ كەرەك. سونان سوڭ قاۋىپسىزدىك قويىندىسىن تاڭداپ، «جەكە تۇلعالارعا ازاماتتىق قارۋدى جانە ونىڭ وق-دارىلەرىن ساقتاۋعا، تاسىمالداۋعا رۇقسات بەرۋ» سىلتەمەسى بويىنشا وتەسىز. ءارى قاراي قويىندىدا كورسەتىلگەن ءوتىنىمدى بەرۋ نۇسقاۋلارىن مۇقيات زەردەلەپ، قىزمەتكە ونلاين تاپسىرىس بەرە الاسىز. ليسەنزيالاردى تاڭداۋ ق ر ءىىم-نىڭ الماتى قالالىق پوليسيا دەپارتامەنتى ارنايى قويىندىلارعا قۇجاتتاردىڭ قاجەتتى ەلەكتروندى كوشىرمەلەرىن قوسا وتىرىپ، ءوتىنىمنىڭ جۇلدىزشامەن بىلگىلەنگەن بارلىق جولدارىن مۇقيات تولتىرىڭىز. مەملەكەتتىك باجدى ەكىنشى دەڭگەيدەگى بانكتەردىڭ كاسسالارىندا تولەگەن جاعدايدا تولەم ءبولىمىن تولتىرۋ كەزىندە تۇبىرتەكتەگى مالىمەتتەردى كورسەتەسىز. ال ونلاين تولەم جاساۋ كەزىندە ونلاين تولەم باعاناسىن تاڭداپ، QR تولەم فۋنكسياسى ارقىلى تولەم جاساڭىز. مارە سىزىعىندا وتىنىشكە ەلەكتروندىق سيفرلىق قولتاڭبا (ەسپ) ارقىلى قول قويىپ، ونى پارولمەن راستاۋ جانە ءوتىنىشتىڭ مەملەكەتتىك ورگانعا جىبەرىلگەنىن تەكسەرۋ قاجەت.
مىلتىقتى ساقتاۋ جانە الىپ جۇرۋگە، رۇقسات بەرۋ تۋرالى ءوتىنىش ءاربىر دانا ءۇشىن جەكە تولتىرىلادى. قىزمەت كورسەتۋ مەرزىمى – 15 جۇمىس كۇن. ەگەر تولتىرىلعان وتىنىشكە رۇقسات بەرىلسە، وتىنىمدە كورسەتىلگەن ەلەكتروندىق پوشتا مەكەن جايىنا سايكەس «Push» حابارلاماسى ارقىلى جىبەرىلەدى. قاتە تولتىرىلعان جاعدايدا سىزگە دالەلدى باس تارتۋ تۋرالى حابارلاما جىبەرىلەدى. رۇقسات بەرۋدەن باس تارتۋ سەبەبىن مۇقيات وقىپ شىعىڭىز. قاتەلەردى ەسكەرە وتىرىپ، ءوتىنىشىڭىزدى قايتا جىبەرسەڭىز بولادى، - دەدى اقبوتا قۋانىشبەك قىزى.