بۇل تۋرالى اتىراۋ وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبى ءمالىم ەتتى.
اەروۆيزۋالدى بارلاۋ جۇمىستارىنىڭ قورىتىندىسىندا جانىپ جاتقان ءورت وشاقتارى انىقتالعان جوق، دەپ حابارلايدى Almaty-akshamy.kz
اتىراۋ وبلىسىندا كاسپيي جاعالاۋىنداعى قامىس ءورتىنىڭ اۋماعى 690 گەكتارعا جەتتى. دەپارتامەنت مالىمەتىنشە، بۇگىن، 9 شىلدەدە تەڭىز جاعالاۋىنداعى قامىس ءورتىنىڭ اۋماعى تاعى ۇلعايعان.
«اتىراۋ وبلىسىندا كاسپيي تەڭىزىنىڭ جاعالاۋىندا ورتەنگەن قامىستىڭ اۋماعى – 690 گەكتار. اەروۆيزۋالدى بارلاۋ جۇمىستارىنىڭ قورىتىندىسىمەن جانىپ جاتقان ءورت وشاقتارى انىقتالمادى. الايدا قامىس بىقسىپ جاتىر. بۇگىن، 9 شىلدەدە 08:30 ساعاتتاعى اقپاراتقا سايكەس «كازاۆياقۇتقارۋ» اق-نىڭ ستق-5 قوندىرعىسى بار مي-8 تىكۇشاعىمەن 11 رەت سۋ توگىلدى»، - دەلىنگەن حابارلامادا.
ورتەنگەن قامىستى سوندىرۋگە اتىراۋ وبلىسىنىڭ توتەنشە جاعادايلار دەپارتامەنتى مەن «اقجايىق» مەملەكەتتىك تابيعي رەزەرۆاتىنان، «كازاۆياقۇتقارۋ» اق-دان 97 ادام، 15 تەحنيكا، 4 موتوپومپا جۇمىلدىرىلدى.
كاسپيي جاعالاۋىندا 6 شىلدەدەن بەرى قامىس ورتەنىپ جاتىر.