الەۋمەتتىك جەلىلەردە تاراعان تۇتاس گرانيتتى تاستاردىڭ جويىلعاندىعى تۋرالى اقپارات شىندىققا جاناسپايدى.
الماتى اكىمدىگى قالا تۇرعىندارى مەن جۇرتشىلىق وكىلدەرىنە ۇاك ارقىلى وتەتىن سەيفۋللين كوپىرىندە جۇرگىزىلىپ جاتقان جۇمىستاردى ءتۇسىندىردى، دەپ حابارلايدى Almaty-akshamy.kz
پروفيلدىك باسقارمانىڭ حابارلاۋىنشا، تەك اپاتتىق قاپتاۋ فراگمەنتتەرى وزگەرەدى، ال 1980 جىلداردان بەرى ساقتالعان ساپالى گرانيت جابىنى ورنىندا قالادى.
سەيفۋللين داڭعىلىنىڭ ۇلكەن الماتى كانالىمەن (ۇاك) قيىلىسىنداعى كوپىر وتكەن عاسىردىڭ 80-جىلدارىندا سالىنعان. سودان بەرى بۇل كوپىر قۇرىلىسى بويىنشا جوندەۋ جۇمىستارى جۇرگىزىلگەن جوق. ءار جىلدارى اعىمداعى جوندەۋ اياسىندا سىنعان، توزعان پليتالاردى ءىشىنارا، بولشەكتەپ قالپىنا كەلتىرۋ جۇمىستارى جۇرگىزىلدى
.
كوپىردىڭ قاپتاماسىندا ماتەريالدىڭ ەكى ءتۇرلى ءتۇرى قولدانىلاتىنىن اتاپ وتكەن ءجون: وڭ جاعىندا – گرانيتتى تاستار، سول جاعىندا – سەيفۋللين داڭعىلىنىڭ ءجۇرۋ بولىگىندە – قالىڭدىعى 20 مم كەسىلگەن گرانيت پليتالارى.
بەتى جىلتىر، جاقسى ساقتالعان ءبۇتىن گرانيتتى تاستار اۋىستىرىلمايدى: ولاردى تازالاۋ جانە تەگىستەۋ ءۇشىن الىپ تاستايدى، سودان كەيىن ولار وسى ۋچاسكەدە قايتا پايدالانۋعا جانە ورناتۋعا جاتادى. سايتتا كوزبەن شولىپ قاراۋ كەزىندە باسپالداق جيەكتەرىندە پليتالارىنىڭ ىدىراۋىنا قاتىستى اقاۋلار انىقتالعانى، تىرەك قابىرعالارىندا جانە قۇرىلىمنىڭ وزىندە گرانيت پليتالارىنىڭ قابىرشاقتانۋى بايقالعانى اتاپ ءوتىلدى. مۇنىڭ ءبارى جاياۋ جۇرگىنشىلەردىڭ قاۋىپسىزدىگىنە ءقاۋىپ ءتوندىردى. جوندەۋ جۇمىستارى اياسىندا بۇل پليتالار دا تازارتىلىپ، باستاپقى قالپىنا كەلتىرىلەدى.
سەيفۋللين داڭعىلىنىڭ قوزعالىس بولىگىنىڭ قاپتاۋ ءۇشىن قولدانىلاتىن قالىڭدىعى 20 مم كەسىلگەن جالپاق گرانيت پليتالارىنا كەلەتىن بولساق: بۇگىنگى كۇنى ولاردا اقاۋلار مەن ۇگىندىلەر بار. بۇل پليتالار ۇقساس پليتالارعا اۋىستىرىلادى. بولشەكتەلگەن جانە اۋىستىرىلعان پليتالاردىڭ جالپى سانى 25%-دان اسپايدى.
سونىمەن قاتار، الەۋمەتتىك جەلىلەردە تاراعان جاڭا ماتەريالداردىڭ ساپاسىز ەكەنى جونىندە تاراعان شىندىققا جاناسپايتىن اقپاراتقا قاتىستى مىنانى حابارلايمىز: ورناتىلاتىن گرانيت پليتالارىندا مەملەكەتتىك تەحنيكالىق رەتتەۋ جۇيەسىنىڭ دەرەكتەر تىزىلىمىندە تىركەلگەن سايكەستىك سەرتيفيكاتى بار. وسى سەرتيفيكات ءتيىستى تۇردە سايكەستەندىرىلگەن ارلەۋ پليتالارى – گرانيتتەن («جەلتاۋ»، «مايكول» جانە «جالعىز-5» كەن ورىندارى) جاسالعاندىعىن راستايدى.
جۇمىستاردى بيىل شىلدە ايىنىڭ سوڭىنا دەيىن اياقتاۋ جوسپارلانۋدا.
كوپىردى جوندەۋ جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ماقساتىندا تۇركسىب اۋدانى تۇرعىندارىنىڭ جەكە وتىنىشتەرى بويىنشا جۇرگىزىلەدى.
سونىمەن قاتار، اعىمداعى جىلدىڭ 10 شىلدەسىندە الماتى قالالىق موبيلدىلىك باسقارماسى ۇاك ارقىلى سەيفۋللين كوپىرىن جوندەۋگە ارنالعان ب ا ق وكىلدەرى ءۇشىن ارنايى باسپا ءسوز تۋرىن وتكىزەدى.