اۋا رايى جاعدايلارىنا بايلانىستى ازاماتتىق قورعاۋ ورگاندارى كۇشتى دايىندىق رەجيمىنە اۋىستىرىلدى.
قازاقستاندا الداعى ءۇش تاۋلىكتە 43 گرادۋس ىستىق پەن جاڭبىر جاۋادى دەپ بولجانادى، دەپ حابارلايدى Almaty-akshamy.kz
ق ر تجم باسپا ءسوز قىزمەتىنىڭ حابارلاۋىنشا، الداعى كۇندەرى ەلىمىزدىڭ شىعىس، سولتۇستىك-شىعىس جانە وڭتۇستىك-شىعىس ايماقتارى اتموسفەرالىق فرونتالدى بولىكتەردىڭ اسەرىندە بولىپ، نايزاعاي وينايدى، بۇرشاق جاۋادى، جەل قىرقىن الادى.
"8 شىلدەدە ەلىمىزدىڭ سولتۇستىك شىعىسى مەن شىعىسىندا، 8-9 شىلدەدە رەسپۋبليكامىزدىڭ وڭتۇستىك-شىعىسىندا قاتتى جاڭبىر جاۋادى"، دەپ حابارلايدى ق ر تجم "قازگيدرومەت" رمك-عا سىلتەمە جاساپ.
قازاقستاننىڭ قالعان اۋماعى سولتۇستىك-باتىس انتيسيكلونىنىڭ ىقپالىندا بولادى.
"وسىعان بايلانىستى ەلىمىزدىڭ باسىم بولىگىندە اۋا رايى نەگىزىنەن جاۋىن-شاشىنسىز بولادى دەپ كۇتىلەدى. بۇكىل كەزەڭدە سىناپ باعانى باتىستا، 9-10 شىلدەدە ەلىمىزدىڭ سولتۇستىك-باتىسىندا، 10 شىلدەدە قازاقستاننىڭ ورتالىعىندا +43 گرادۋسقا دەيىن كوتەرىلىپ، اپتاپ ىستىق بولادى دەپ بولجانادى"، دەلىنگەن حابارلامادا.
وسىعان بايلانىستى ازاماتتىق قورعاۋ ورگاندارىنىڭ كەزەكشى قىزمەتتەرى جوعارى دايىندىق رەجيمىنە اۋىستىرىلعانى ناقتىلانادى.