ماڭعىستاۋلىق تەڭىز شەكاراشىلارى كاسپييدە بالىقتى زاڭسىز اۋلاعان 40-تان استام ادامدى قولعا ءتۇسىردى، دەپ حابارلايدى almaty-akshamy.kz
ۇستالعانداردىڭ بارلىعى - جەرگىلىكتى تۇرعىندار. ءقازىر رەسەيلىك شەكاراشىلارمەن بىرىككەن رەيد جۇرگىزىلىپ جاتىر. ونىڭ اياسىندا ۇزىندىعى 60 شاقىرىمنان اساتىن اۋ-تورلار تاركىلەندى.
بۇدان بولەك نارىقتاعى باعاسى 172 ملن تەڭگە بولاتىن 20-عا تارتا بەكىرە مەن 3 مىڭ وزگە دە بالىق تۇرلەرى تاركىلەنىپ، تەڭىزگە جىبەرىلگەن.
- بىرلەسكەن رەيدتىك شارالار كەزىندە مەملەكەت شەكاراسىن كەسىپ وتكەن 2 ادام ۇستالدى. سونداي-اق شەكارا رەجيمىن بۇزعان 112 ازامات ەندى زاڭ الدىندا جاۋاپ بەرەدى. 8 قايىق تاركىلەندى. باس-اياعى 2 ملن تەڭگەدەن استام اكىمشىلىك ايىپپۇل سالىندى - دەدى ق ر ۇقك شك دەپارتامەنتى باستىعىنىڭ ءبىرىنشى ورىنباسارى دانيار مالشىبايەۆ.