17 قازان كۇنى قازاقستاندىق شاحماتشى، حالىقارالىق گروسسمەيستەر جانسايا ابدىمالىك ءبىرىنشى ءۇندى سۋپەرليگاسىندا ءوزىنىڭ Pivotal Pawns كومانداسىنا چەمپيوندىق جەڭىس اكەلدى، دەپ حابارلايدى almaty-akshamy.kz قازاقپاراتقا سىلتەمە جاساپ.
اينالمالى ويىن جۇيەسى بويىنشا بەس كۇندىك ىرىكتەۋدەن كەيىن التى كوماندانىڭ ىشىندە ەڭ مىقتى تورتەۋى: Pivotal Pawns، The Kingslayers، Brutal Bishops جانە Ruthless Rooks نوكاۋتتا كۇش سىناسقان. ءبىرىنشى ويىندا Pivotal Pawns-تىڭ The Kingslayers كومانداسىمەن ويىنى 3:3 ەسەبىمەن اياقتالدى، ال Brutal Bishops كومانداسىمەن وتكەن ەكىنشى ماچتا Pivotal Pawns 2:4 ەسەبىمەن جەڭىسكە جەتتى.
ودان كەيىن The Kingslayers كومانداسىمەن ەكى تەڭ ويىن ءوتتى. وسىلايشا، جەڭىمپازدى انىقتاۋ ءۇشىن ايەلدەر اراسىندا ارماگەددون بەلگىلەنىپ، وندا جانسايا قارسىلاسى – گرۋزيا شاحماتشىسى، گروسسمەيستەر نانا دزاگنيدزەنى (The Kingslayers) ۇتتى.
ەسكە سالا كەتسەك، 11-17 قازان كۇندەرى ۇندىلىك ستەنداپ-ازىلكەش، شاحمات تريمەرى ساماي راينا، Nodwin Gaming ويىندار شىعارۋ جانە كيبەرسپورت جارىستارىن وتكىزۋ كومپانياسى، سونداي-اق ءۇندىستاندا شاحمات تۋرالى ەڭ ءىرى جاڭالىقتار پورتالى ChessBase India-نىڭ ۇيىمداستىرۋىمەن ءبىرىنشى ءۇندى سۋپەرليگاسى وتكىزىلدى.