گرەكيادا وليمپيادا الاۋى جاعىلدى. اتالعان شارا كورەرمەنسىز ءوتتى. وعان تەك رەسمي تۇلعالار – ەل پرەزيدەنتى كاتەرينا ساكەللاروپۋلۋ، حالىقارالىق وليمپيادا كوميتەتىنىڭ پرەزيدەنتى توماس باح، گرەكيا وليمپيادا كوميتەتىنىڭ باسشىسى سپيروس كاپرالوس جانە تاعى باسقالارى قاتىستى، دەپ حابارلايدى almaty-akshamy.kz قازاقپاراتقا سىلتەمە جاساپ.
الاۋدى جاعۋ ءراسىمى YouTube ارناسىنان كورسەتىلدى. وليمپيادا الاۋىنىڭ شىراعىن ءبىرىنشى بولىپ تاۋ شاڭعىشىسى يواننيس انتونيۋ كوتەرەدى.
الاۋ ەجەلگى وليمپيا ستاديونىنان قازىرگى زامانعى وليمپيادا ويىندارىنىڭ نەگىزىن قالاۋشى، فرانسۋز بارونى پەر دە كۋبەرتەن ەسكەرتكىشىنە دەيىن اپارىلادى. بۇدان كەيىن تۇنگە قاراي ونى افينانىڭ اكروپولىنە اپارىپ، 19 قازاندا جۇڭگو دەلەگاسياسىنا تابىستايدى.
گرەكيادا الاۋ ەستافەتاسى COVID-19 ۆيرۋسىنا بايلانىستى شەكتەۋگە بايلانىستى وتكىزىلمەدى. ايتا كەتەرلىگى، قىسقى وليمپيادا ويىندارى بەيجىڭدە 2022 جىلعى 4-20 اقپان كۇندەرى ارالىعىندا وتەدى.