مەملەكەتتىڭ تابيعي بايلىقتارىن توناۋمەن بايلانىستى زاڭسىز ارەكەتتەردى انىقتاۋ بويىنشا ءبىرقاتار بىرلەسكەن رەيدتەر وتكىزۋ جوسپارلانعان
كاسپيي تەڭىزىنىڭ قازاقستاندىق سەكتورىندا براكونەرلىكتىڭ جولىن كەسۋگە باعىتتالعان ءىس-شارالار ءجۇرىپ جاتىر، دەپ حابارلايدى Almaty-akshamy.kz ۇقك باسپا ءسوز قىزمەتىنە سىلتەمە جاساپ.
ق ر ۇلتتىق قاۋىپسىزدىك كوميتەتىنىڭ شەكارا قىزمەتى ق ر ىشكى ىستەر مينيسترلىگىنىڭ جانە ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ اۋماقتىق بولىمشەلەرىمەن بىرلەسىپ، كاسپيي تەڭىزى سۋ ايلاعىندا براكونەرلىك ارەكەتتىڭ جولىن كەسۋگە جانە بيولوگيالىق الۋانتۇرلىلىكتى ساقتاۋعا باعىتتالعان ۇيىمداستىرۋشىلىق جانە پراكتيكالىق ءىس-شارالار كەشەنىن جۇرگىزۋدى باستادى.
«قازاقستان رەسپۋبليكاسى ۇقك شەكارا قىزمەتى كورسەتىلگەن ءىس-شارالاردى وتكىزۋ كەزەڭىندە كاسپيي تەڭىزىنىڭ قازاقستاندىق سەكتورىندا بەلگىلەنگەن رەجيمدەردىڭ ساقتالۋىنا باقىلاۋ كۇشەيتىلەتىنىن حابارلايدى. اتاپ ايتقاندا، مەملەكەتتىڭ تابيعي بايلىقتارىن توناۋمەن بايلانىستى زاڭسىز ارەكەتتەردى انىقتاۋ بويىنشا ءبىرقاتار بىرلەسكەن رەيدتەر وتكىزۋ جوسپارلانعان»، – دەلىنگەن ق ر ۇقك باسپا ءسوز قىزمەتى تاراتقان حابارلامادا.