رەسپۋبليكا بويىنشا تۇمان، كوكتايعاق، جەلدىڭ كۇشەيۋى، وڭتۇستىك-باتىستا شاڭدى داۋىل، نايزاعاي بولجانادى
3 ءساۋىر كۇنى قازاقستاننىڭ باسىم بولىگى انتيسيكلون جوتاسىنىڭ ىقپالىندا بولعاندىقتان، جاۋىن-شاشىنسىز اۋا رايى ساقتالادى. ەلدىڭ تەك سولتۇستىگىندە، باتىسىندا جانە وڭتۇستىكتىڭ تاۋلى ايماقتارىندا جاڭبىر مەن قار تۇرىندە جاۋىن-شاشىن كۇتىلەدى. رەسپۋبليكا بويىنشا تۇمان، كوكتايعاق، جەلدىڭ كۇشەيۋى، وڭتۇستىك-باتىستا شاڭدى داۋىل، نايزاعاي بولجانادى، دەپ حابارلايدى Almaty-akshamy.kz.
اقمولا وبلىسىنىڭ وڭتۇستىگىندە، قوستاناي، سولتۇستىك قازاقستان وبلىستارىنىڭ سولتۇستىگىندە تۇمان، كوكتايعاق، 15-20 م/س ەكپىندەگى جەل كۇتىلەدى.
باتىس قازاقستان وبلىسىنىڭ سولتۇستىگىندە تۇمان بولجانادى، ءوڭىردىڭ باتىسىندا، وڭتۇستىك-شىعىسىندا جەلدىڭ جىلدامدىعى 23 م/س دەيىن جەتەدى.
كۇندىز ماڭعىستاۋ وبلىسىنىڭ سولتۇستىگىندە نايزاعاي ويناپ، باتىسىندا، سولتۇستىگىندە، شىعىسىندا جەلدىڭ ەكپىنى 23 م/س دەيىن ارتادى. وعان شاڭدى داۋىل قوسىلادى.
اتىراۋ وبلىسىنىڭ شىعىسىندا، كۇندىز باتىسىندا، اقتوبە وبلىسىنىڭ سولتۇستىگىندە، كۇندىز وڭتۇستىك-باتىسىندا، سولتۇستىك-شىعىسىندا، جامبىل وبلىسىنىڭ تاۋلى اۋداندارىندا جەل 15-20 م/س كۇشەيەدى.
الماتى وبلىسىنىڭ الاكول كولدەرىنىڭ اۋدانىندا جەلدىڭ جىلدامدىعى 17-22 م/س جەتەدى.
پاۆلودار وبلىسىنىڭ شىعىسىندا، وڭتۇستىگىندە تۇمان بولجانادى.