جوندەۋ جۇمىستارى وسى ايدىڭ سوڭىنا دەيىن جالعاسادى.
كاسپيي قۇبىر كونسورسيۋمىندا جوندەۋ جۇمىسى قالاي ءجۇرىپ جاتىر؟ اتالعان ساۋالعا ەلىمىزدىڭ ەنەرگەتيكا ءمينيسترى بولات اقشولاقوۆ جاۋاپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كاسپيي قۇبىر كونسورسيۋمىنىڭ جۇمىسى سوڭعى ۋاقىتتا وزەكتى ماسەلە بولىپ وتىر. جوندەۋ جۇمىستارى وسى ايدىڭ سوڭىنا دەيىن جالعاسادى. بىزدە قاجەتتىنىڭ ءبارى بار، جۇمىس ءجۇرىپ جاتىر. وسىدان ءبىر جارىم اپتا بۇرىن سۇڭگۋىر جابدىقتارىنىڭ جەتكىلىكسىزدىگىنە بايلانىستى ماسەلە تۋىندادى. ويتكەنى بارلىعى سۋدىڭ استىندا. قاجەتتى جابدىقتار جەتكىزىلدى. جۇمىس جالعاسۋدا، كەشە عانا ارىپتەستەرىممەن سول جايىندا سويلەستىك. قازان ايىنىڭ سوڭىندا، 25-نەن كەيىن ايلاقتا ورنالاسقان شىعارمالى قۇرىلعى (اشق) قوسىمشا شىسكە قوسىلاتىن بولادى»، - دەدى بولات اقشولاقوۆ وكق-دە وتكەن بريفينگىدە.
ۆەدومستۆو باسشىسىنىڭ مالىمدەۋىنشە، كاسپيي قۇبىر كونسورسيۋمى تەحنيكالىق تۇرعىدان 20 جىلدان بەرى جۇمىس ىستەپ كەلەدى.
«ۋاقىت وتكەن سايىن جوندەۋ جۇمىستارى جۇرگىزىلىپ كەلەدى. مەحانيكالىق تۇرعىدان العاندا ءار جابدىقتىڭ قولدانۋ شەگى بار. ايتا كەتەتىنى، جوندەۋ جۇمىستارى تولىعىمەن ءجۇرىپ جاتىر. سوعان قاراماستان كونسورسيۋم جۇمىسى ۇزاق مەرزىمگە توقتاعان جوق. بىزدەگى بار ايلاقتا ورنالاسقان شىعارمالى قۇرىلعى (اشق) بيىلعى ءوندىرىستى قازاقستان ءۇشىن تولىعىمەن ەكسپورتتاۋعا مۇمكىندىك بەرەدى. ەكى قۇرىلعى بۇل 100-120% قۋات، ال ءۇشىنشىسى ۇنەمى رەزەرۆتە تۇرادى. وسىعان بايلانىستى ءبىز الداعى جىلدارى كاسپيي قۇبىر كونسورسيۋمىنىڭ ءوندىرىس جوسپارىنا تۇزەتۋ ەنگىزۋدى قالامايمىز. ياعني 2023 جىلى 92 ملن توننادان استام، ال 2025 جىلعا قاراي 100 ملن توننا جانە ودان كوپ ءونىم الۋ»، - دەيدى ول.