كاسپيي قۇبىر كونسورسيۋمىنىڭ تەڭىز تەرمينالىنداعى ءبىرىنشى قۇرىلعىسى جوندەلدى
كاسپيي قۇبىر كونسورسيۋمىندا تەڭىز تەرمينالىنداعى ەكىنشى ايلاق قۇرىلعىسىندا قالقىمالى جابدىقتاردى اۋىستىرۋ جۇمىستارى تولىق اياقتالدى. بۇل تۋرالى اتالعان كونسورسيۋمنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2022 جىلدىڭ 29 قاراشاسىندا ەكىنشى ايلاق قۇرىلعىسىندا قالقىمالى جابدىقتى اۋىستىرۋ جۇمىستارى تولىعىمەن اياقتالدى. گيدروستاتيكالىق سىناقتار ءتيىستى دەڭگەيدە جۇرگىزىلدى. وسى ورايدا اتالعان قۇرىلعى مۇنايدى تانكەرلەرگە تيەۋگە دايىن»، - دەلىنگەن كاسپيي قۇبىر كونسورسيۋمى مالىمەتىندە.
بۇدان بۇرىن حابارلانعانداي، بيىل قاراشا ايىندا كاسپيي قۇبىر كونسورسيۋمىنىڭ تەڭىز تەرمينالىنداعى ءبىرىنشى قۇرىلعىسى جوندەلدى.
ودان كەيىن بىردەن ەكىنشى قوندىرعىنى جوندەۋ باستالدى.
ايتا كەتەيىك، 22 تامىزدا كاسپيي قۇبىر جەلىسىنىڭ ەكى كەشەنى تەحنيكالىق اقاۋلارعا بايلانىستى جۇمىس ىستەمەي تۇرعانى حابارلانعان ەدى.