الماتىدا «قازاق ءتىلىنىڭ سينونيمدەر سوزدىگىنىڭ» بەسىنشى باسىلىمىنىڭ تۇساۋكەسەرى ءوتتى

سەميناردا قازاق ءسوزىنىڭ قۋاتى مەن قۇدىرەتى، كوركەمدىلىگى، قازىرگى جاي-كۇيى ماسەلەلەرى تالقىلاندى

2022 جىلعى 29 قاراشادا ق ر ۇلتتىق كىتاپحاناسىنىڭ ن.داۋلەتوۆا اتىنداعى زالىندا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور، «ءتىل جاناشىرى» توسبەلگىسىنىڭ يەگەرى، ەڭبەك ارداگەرى سەيدىن بيزاقوۆتىڭ 85 جىلدىق مەرەيتويىنا ارنالعان «قازاق ءسوزىنىڭ قۇنارى» اتتى ءتىلتانىمدىق مەكتەپ سەمينارى جانە «قازاق ءتىلىنىڭ سينونيمدەر سوزدىگىنىڭ» بەسىنشى باسىلىمىنىڭ تۇساۋكەسەر ءراسىمى ءوتتى، دەپ حابارلايدى Almaty-akshamy.kz.
  
ءىس-شارانى ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجان جۇرگىزدى.

سەمينار بارىسىندا ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور مىرزابەرگەن مالباق ۇلى، ءال-فارابي اتىنداعى قازۇۋ پروفەسسورى، فيلولوگيا عىلىمدارىنىڭ دوكتورى انار سالقىنباي، اباي اتىنداعى قازۇپۋ پروفەسسورى، پەداگوگيكا عىلىمدارىنىڭ دوكتورى فاۋزيا ورازبايەۆا، اباي اتىنداعى قازۇپۋ قاۋىمداستىرىلعان پروفەسسورى، فيلولوگيا عىلىمدارىنىڭ كانديداتى سايان جيرەنوۆ، ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ جەتەكشى عىلىمي قىزمەتكەرى، فيلولوگيا عىلىمدارىنىڭ كانديداتى ايگۇل امىربەكوۆا، ءال-فارابي اتىنداعى قازۇۋ دوسەنتى، فيلولوگيا عىلىمدارىنىڭ كانديداتى گۇلميرا جەتكەرگەن جانە ت.ب. ارنايى شاقىرىلعان قوناقتار ءسوز سويلەپ، ويلارىمەن ءبولىستى.

شارا اياسىندا قازاق ءتىل ءبىلىمىنىڭ لەكسيكولوگيا، لەكسيكوگرافيا، ءسوز مادەنيەتى،  تۇركىتانۋ سالاسىندا ءونىمدى ەڭبەك ەتىپ، ەلەۋلى ۇلەس قوسىپ كەلە جاتقان بەلگىلى ءتىلشى-عالىم، ادىسكەر-عالىم سەيدىن بيزاقوۆتىڭ عىلىمي ەڭبەكتەرىنىڭ كورمەسى ۇيىمداستىرىلدى.

سونىمەن قاتار، سەميناردا قازاق ءسوزىنىڭ قۋاتى مەن قۇدىرەتى، كوركەمدىلىگى، قازىرگى جاي-كۇيى ماسەلەلەرى تالقىلاندى. س. بيزاقوۆتىڭ قازاق ءسوزىن كوركەيتۋگە قوسقان ۇلەسى مەن جاڭالىقتارى ناسيحاتتالدى.

شاراعا فيلولوگ-عالىمدار، ءال-فارابي اتىنداعى قازۇۋ، اباي اتىنداعى قازۇپۋ، سۇلەيمەن دەميرەل ۋنيۆەرسيتەتىنىڭ، ابىلاي حان اتىنداعى ءقازحقاتۋ، قىزدار ۇپۋ پروفەسسورلارى، جازۋشىلار، رەداكتورلار، ستۋدەنتتەر، ب ا ق وكىلدەرى قاتىستى.