اسكەري قۇرالىمداردىڭ قاتارىنا 35 مىڭنان استام ادامدى شاقىرۋ جوسپارلانعان.
قازاقستاندا 1 قىركۇيەكتەن باستاپ كۇزگى اسكەرگە شاقىرۋ كەزەڭى باستالدى. ءتورت اي ىشىندە قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قاتارى 18-27 جاس ارالىعىنداعى 18 مىڭعا جۋىق جاڭا بۋىنمەن تولىقپاق، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇعان دەيىن Ranking.kz حابارلاعانداي، ءتورت جىلدا اسكەرگە شاقىرىلعانداردىڭ 15،8 پايىزى عانا الىنعان.
وسى ورايدا ق ر قورعانىس مينيسترلىگى اسكەرگە بارۋ مەرزىمىن قانداي جاعدايلاردا كەيىنگە قالدىرۋعا بولاتىنىن ءتۇسىندىردى. سونىمەن قاتار، قورعانىس ۆەدومستۆوسىنىڭ ماماندارى اسكەردەن جالتارىپ جۇرگەندەردىڭ پورترەتىن سيپاتتاپ بەردى.
«ق ر پرەزيدەنتىنىڭ جارلىعىنا سايكەس، 2022 جىلى قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قاتارىنا 35 مىڭنان استام ادامدى شاقىرۋ جوسپارلانعان. ونىڭ ىشىندە كوكتەمدە 17 مىڭعا جۋىق ادام شاقىرىلسا، كۇزدە 18 مىڭنان استام ادام اسكەر قاتارىنا كەلەدى دەپ جوسپارلانىپ وتىر»، - دەلىنگەن قورعانىس مينيسترلىگى باسپا ءسوز قىزمەتىنىڭ مالىمەتىندە.