62 يتبالىقتىڭ ولەكسەسى تابىلعان.
كاسپيي تەڭىزىندە يتبالىقتاردىڭ ولەكسەسى تابىلدى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنىڭ بالىق شارۋاشىلىعى كوميتەتىنە سىلتەمە جاساپ.
29 ناۋرىزدا جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسىنىڭ ماڭعىستاۋ وبلىسى بويىنشا بالىق ينسپەكسياسى باسقارماسىنىڭ قىزمەتكەرلەرى ءتۇپقاراعان اۋدانى ماڭىنداعى كاسپيي تەڭىزى جاعالاۋىندا يتبالىقتاردىڭ ولەكسەسىن تاپقان.
"ساعات 15-00-دەگى مالىمەت بويىنشا 62 ءولى يتبالىقتىڭ ولەكسەسى تابىلدى"، - دەپ جازدى ۆەدومستۆو.
يتبالىقتار تابىلعان جەرگە ەكولوگيا دەپارتامەنتى مەن جەرگىلىكتى اتقارۋشى ورگانداردىڭ وكىلدەرى بارعان.
"ءولى يتبالىقتار تابىلعان جەردەن سۋ سىناماسى الىندى. جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسىنىڭ قىزمەتكەرلەرى كاسپيي تەڭىزىنىڭ جاعالاۋىندا مونيتورينگ جۇرگىزىپ جاتىر"، - دەدى ماماندار.