18-20 ماۋسىم ارالىعىندا «كاسپيي» تاۋار بيرجاسى» اق دەلەگاسياسى نورۆەگيا استاناسى وسلودا وتكەن ەۋروپالىق ەنەرگەتيكالىق بيرجالار قاۋىمداستىعى (Europex) باس اسسامبلەياسىنا قاتىستى.
ءىس-شارا ءبىر الاڭدا EUROPEX مۇشەلەرى – 33 ەۋروپالىق بيرجا باسشىلارىن، ەۋروپالىق رەتتەۋشىلەردىڭ، ەۋروپالىق كوميسسياسىنىڭ وكىلدەرىن، ەنەرگەتيكا، كليمات جانە بيرجالىق ينفراقۇرىلىم سالاسىنداعى تالداۋشىلار مەن ساراپشىلاردى بىرىكتىردى، دەپ حابارلايدى aqshamnews.kz.
اسسامبلەيا بارىسىندا قاۋىمداستىق ءتوراعاسىن، ديرەكتورلار كەڭەسىنىڭ مۇشەلەرىن جانە ەلەكتر ەنەرگياسى، گاز، ەكولوگيالىق جانە قارجى نارىقتارى بويىنشا بەيىندى جۇمىس توپتارىنىڭ باسشىلارىن سايلاۋ ءوتتى. سونداي-اق نارىقتى ينتەگراسيالاۋ، سيفرلىق ترانسفورماسيا جانە كيبەرقاۋىپسىزدىك باستامالارى تالقىلاندى.
اسسامبلەيانىڭ پلەنارلىق وتىرىسىندا «كاسپيي» بيرجاسىنىڭ پرەزيدەنتى مۇرات قاديسوۆ قازاقستان رەسپۋبليكاسىنداعى بيرجالىق ساۋدا تاجىريبەسىن، سونداي-اق «كاسپيي» جانە EUROPEX بيرجالارىنىڭ ۇزاق مەرزىمدى ىنتىماقتاستىق ستراتەگياسىن ۇسىندى. قازىرگى ۋاقىتتا «كاسپيي» تاۋار بيرجاسى 2024 جىلدان باستاپ ورتالىق ازيا ەلدەرىنەن EUROPEXء-تىڭ العاشقى قاۋىمداستىرىلعان مۇشەسى بولىپ تابىلادى. بۇل قازاقستاننىڭ دەكاربونيزاسيا، ەنەرگەتيكالىق جانە تاۋار نارىقتارىن دامىتۋ، سيفرلاندىرۋ جانە ESG ماسەلەلەرى بويىنشا حالىقارالىق ديالوگتىڭ بەلسەندى قاتىسۋشىسى رەتىندەگى ءرولى جوعارى باعالاناتىنىن كورسەتەدى.
«EUROPEX ءوزىن ەۋروپانىڭ ەنەرگەتيكالىق بيرجالارى مەن ينفراقۇرىلىمدىق ۇيىمدارىن بىرىكتىرەتىن، تۇراقتى دامۋدى قامتاماسىز ەتۋ ءۇشىن نەگىزگى ماسەلەلەر بويىنشا ءبىرتۇتاس ۇستانىمدى قالىپتاستىراتىن قۋاتتى پلاتفورما رەتىندە كورسەتتى. قازاقستان ءۇشىن اسسامبلەياعا قاتىسۋ – بۇل ءوز تاجىريبەسىن ۇسىنىپ قانا قويماي، ەۋروپالىق سالا كوشباسشىلارىمەن ستراتەگيالىق ارىپتەستىك قۇرۋ مۇمكىندىگى. «كاسپيي» بيرجاسى قازاقستان رەسپۋبليكاسى جانە ەۋروپانىڭ بيرجالىق ينفراقۇرىلىمى مەن رەتتەۋشى ورگاندارىنىڭ وكىلدەرى اراسىنداعى ديالوگ ءۇشىن جاعداي جاساۋعا نيەتتى»، — دەپ اتاپ ءوتتى «كاسپيي» تاۋار بيرجاسى» اق پرەزيدەنتى مۇرات قاديسوۆ.
ءوزارا ءىس-قيمىلدىڭ بۇل فورماتى قازاقستان ءۇشىن ستراتەگيالىق پەرسپەكتيۆالاردىڭ تۇتاس سپەكترىن اشادى. بۇل، ەڭ الدىمەن، ترانسشەكارالىق CO₂ كۆوتا ساۋداسىن قۇراتىن ەۋروپالىق سەرىكتەستەرمەن تاجىريبە الماسۋ ارقىلى ۇلتتىق كومىرتەگى نارىعىن نىعايتۋ.
سەرىكتەستىكتىڭ نەگىزگى باعىتتارىنىڭ ءبىرى سيفرلىق جانە كليرينگتىك شەشىمدەردى قوسا العاندا، تاۋار بيرجالارىنىڭ ينفراقۇرىلىمىن دامىتۋدا، سونداي-اق امبەباپ نورماتيۆتىك-قۇقىقتىق بازالىق كەلىسىمشارتتىق ستاندارتتاردى قالىپتاستىرۋدا ەلەۋلى الەۋەت بولىپ تابىلادى – بۇل اسىرەسە ورتالىق ازيادا وڭىرلىك تاۋار-شيكىزات نارىعىن قۇرۋ ءۇشىن وزەكتى.
بۇدان باسقا، قازاقستاننىڭ سالالىق ەرەجەلەر ايقىندالاتىن دەڭگەيدە بولۋى ەۋروپالىق ينۆەستورلار مەن سەرىكتەستەر تاراپىنان سەنىمدى نىعايتۋعا ىقپال ەتەدى، سونداي-اق ءوزارا ءىس-قيمىلدىڭ قوسىمشا ديپلوماتيالىق جانە ينستيتۋسيونالدىق ارنالارىن جاسايدى.
اسسامبلەيامەن بىرگە جۇرەتىن ديپلوماتتار مەن ساراپشىلاردىڭ ساپارلارى قازاقستان رەسپۋبليكاسى مەن نورۆەگيا كورولدىگى اراسىنداعى مەملەكەتارالىق ىنتىماقتاستىقتى كەڭەيتۋدى قوسا العاندا، ەۋروپالىق بيرجالارمەن جانە رەتتەۋشى ورگاندارمەن ەكىجاقتى كەلىسىمدەر جاساسۋ ءۇشىن بەرىك نەگىز قۇردى.
مۇنىڭ ءبارى قازاقستان رەسپۋبليكاسى پرەزيدەنتىنىڭ كومىرتەگى جانە تاۋار نارىقتارىن دامىتۋ، قازىرگى زامانعى نارىقتىق ينستيتۋتتاردى قۇرۋ جانە ەلدى ورنىقتى ەكونوميكالىق ءوسۋ مەن ينتەگراسيانىڭ وڭىرلىك ورتالىعى رەتىندە ىلگەرىلەتۋ جونىندەگى باسىمدىقتارىنا تىكەلەي سايكەس كەلەدى.
انىقتاما:
«كاسپيي» تاۋار بيرجاسى» اق – مۇناي ونىمدەرىن، كومىر مەن سەمەنتتى قوسا العاندا، تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپيي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە.
بۇۇ جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ. سونداي-اق، «كاسپيي» KASE قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.