21 ماۋسىمدا المالى اۋدانى، كلوچكوۆ كوشەسى، 26-دا ساعات 10.00-دەن 13.00-گە دەيىن تەرروريزمگە قارسى جوسپارلى وقۋ-جاتتىعۋلار وتەدى.
وقۋ-جاتتىعۋدىڭ ماقساتى-ادامدار كوپ جينالاتىن جەرلەردە تەرروريستىك سيپاتتاعى قاۋىپ-قاتەرلەر تۋىنداعان كەزدە ءوزارا ءىس-قيمىل جاساۋ داعدىلارىن پىسىقتاۋ. وقۋ مىندەتتەرى تەرروريستىك تۇرعىدان وسال وبەكتىلەردە تەرروريزم اكتىسىنىڭ جولىن كەسۋ تەتىگىن جەتىلدىرۋگە باعىتتالعان"،-دەپ حابارلادى الماتى پوليسيا دەپارتامەنتىنىڭ (پد) باسپا ءسوز قىزمەتى.
سونىمەن قاتار، قاۋىپسىزدىك قىزمەتكەرلەرى وقۋ-جاتتىعۋ وتكىزۋ كەزەڭىندە شەكتەۋ شارالارى قاراستىرىلاتىنىن ەسكەرتتى.
"وسىعان بايلانىستى، ازاماتتاردى وتكىزىلەتىن ءىس-شارالارعا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە وقۋ-جاتتىعۋ وتكىزۋگە تارتىلعان مەملەكەتتىك ورگاندار قىزمەتشىلەرىنىڭ زاڭدى تالاپتارىن ورىنداۋعا شاقىرامىز. سونىمەن قاتار، اقبتك - ءنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىساتىن ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنىن اتاپ وتكەن ءجون"، - دەپ ەسكەرتتى پد-دا.