الماتى قالاسىنىڭ №7 قالالىق كلينيكالىق اۋرۋحاناسىندا جاڭا بۋىندى ەلەكترودسىز كارديوستيمۋلياتور ورناتا باستادى.
الماتى قالاسىنىڭ № 7 قالالىق كلينيكالىق اۋرۋحاناسىندا ق ر دسم شتاتتان تىس باس اريتمولوگ مامانى ايان ءابدىراحمانوۆتىڭ قاتىسۋىمەن «رەسينحرونيزاسيالىق تەراپيا جانە ەلەكترودسىز كارديوستيمۋلياتور يمپلانتاسياسىن قولدانۋمەن سوزىلمالى جۇرەك كەمىستىگىن ەمدەۋدىڭ زاماناۋي تاسىلدەرى» تاقىرىبىندا شەبەرلىك ساعاتى ءوتتى.
شەبەرلىك ساعاتىنا شامامەن 51-57 جاستاعى پاسيەنتتەر قاتىستى. بۇل پاسيەنتتەردىڭ باسىم كوپشىلىگى جۇرەك قىزمەتىنىڭ جەتىسپەۋشىلىگىنەن جانە ومىرگە ءقاۋىپ توندىرەتىن جۇرەك ىرعاعىنىڭ بۇزىلۋىنان زارداپ شەكتى. بارلىق پاسيەنتتەرگە زاماناۋي قۇرىلعىلار ءساتتى ورناتىلدى. بارلىق وپەراسيالار ەلىمىزدەگى ءساتتى جۇمىس ىستەيتىن ءمامس جۇيەسى شەڭبەرىندە تەگىن جاسالدى.
يمپلانتاسيالانعان بىرەگەي ەلەكترودسىز كارديوستيمۋلياتور ادام ومىرىنە قاۋىپ-قاتەردى ازايتىپ، ءومىر ءسۇرۋ ساپاسىن ەداۋىر جاقسارتۋعا مۇمكىندىك بەرەدى.
«ءداستۇرلى كارديوستيمۋلياتورلارعا قاراعاندا، بۇل قۇرىلعى ەلەكترودتاردى جۇرەككە تامىرلار ارقىلى قوسۋدى تالاپ ەتپەيدى جانە تەرىنىڭ استىنا ورنالاستىرىلمايدى. بۇل قوندىرعى سان تامىرلارى ارقىلى جۇرەكتىڭ وڭ جاق قارىنشاسىنىڭ قۋىسىنا تىكەلەي ورناتىلادى جانە پاسيەنت ونى سەزبەيدى. بۇرىن پاسيەنتكە تەرىنىڭ استىنا ورناتىلعان «قوندىرعى» سەزىلەتىن، قازىرگى يمپلانتات ءتىپتى بايقالمايدى، - دەپ ءتۇسىندىردى ينتەرۆەنسيالىق حيرۋرگيا جانە اريتمولوگيا بولىمشەسىنىڭ مەڭگەرۋشى س.م.انارتايەۆ.
جاڭا قۇرىلعىنىڭ نەگىزگى ارتىقشىلىعى قاشىقتىق مونيتورينگ جۇرگىزۋ مۇمكىندىگى. قۇرىلعىنى ورناتۋ ءموبيلدى قوسىمشامەن ۇندەستىرىلەدى، ونىڭ كومەگىمەن ەمدەۋشى دارىگەر ناقتى ۋاقىت رەجيمىندە پاسيەنتتىڭ جاعدايىن قاداعالايدى، دابىل بەلگىلەرىن كورەدى جانە كەنەتتەن اسقىنۋ بولعان جاعدايدا شۇعىل ارەكەت ەتەدى. بۇل تەك جاي عانا ىڭعايلى تەحنولوگيا ەمەس – ول ادام ءومىرىن قۇتقارۋشى قۇرال. بۇرىن پاسيەنتتەر وزدەرىننىڭ جاعدايدىڭ ناشارلاۋىن بايقاماسا، بۇگىن دارىگەر پاسيەنتتەگى وزگەرىستەردى بىردەن بايقايدى. بۇل تەوريا جۇزىندە عانا ەمەس، بۇل پراكتيكاعا ەنگىزىلىپ وتىرعان جۇيە. ءبىزدىڭ ماقسات- جاي عانا وپەراسيا جاساۋمەن شەكتەلۋ ەمەس، پاسيەنتتى دياگنوستيكادان باستاپ، تولىق باقىلاۋ سيكلىمەن قامتاماسىز ەتۋ-دەدى اريتمولوگ-دارىگەر قانات ەرەشيەۆ.
شەبەرلىك ساعاتىنا دۋباي كارديولوگيالىق قوندىرعىنى شىعاراتىن حالىقارالىق كومپانيانىڭ وكىلدەرى قاتىستى. كومپانيا وكىلدەرى باعدارلامالىق قامتاماسىز ەتۋمەن جۇمىس ىستەۋ بويىنشا تەحنيكالىق ترەنينگ وتكىزدى.
سوزىلمالى جۇرەك-قان تامىرى اۋرۋلارى ءبىزدىڭ ەلىمىزدەگى، الەمنىڭ بارلىق ەلدەرىندە ءالى دە ءولىم سەبەپتەرىنىڭ نەگىزگى فاكتورىنىڭ ءبىرى بولىپ وتىر. ءبىراق وزىق مەديسينالىق تەحنولوگيالاردى ەنگىزۋ ءولىم-جىتىم كورسەتكىشىنىڭ تومەندەۋىنە اكەلەدى.