الماتى قالاسى ءماسليحاتىنىڭ VIII شاقىرىلىمىنىڭ كەزەكتەن تىس II سەسسياسى ءوتتى.
وتىرىس بارىسىندا دەپۋتاتتار قالا باسشىلىعىنا سۇراقتارىن قويدى، دەپ حابارلايدى Almaty-akshamy.kz.
الماتى قالاسى ءماسليحاتىنىڭ دەپۋتاتى داستان دجانتەلييەۆتىڭ سۇراعى:
- تۇرعىنداردى تولعاندىراتىن ماسەلەلەردىڭ ءبىرى رەتىندە قالامىزدىڭ ىشىندە ورنالاسقان ءىرى ونەركاسىپكەردىڭ ورنالاسۋىن قالانىڭ سىرتىنا شىعارۋ سوعان بايلانىستى ءوزىڭىز بىلەتىندەي تۇركسىب، جەتىسۋ اۋداندارىندا تەمىر-بەتون، سونداي اق باسقا دا كاسىپورىندار سانيتارلىق نورمالار ساقتاماي تۇرعىن ۇيلەرگە جاقىن ورنالاسقان سوعان بايلانىستى قالامىزدىڭ باس جوسپارىندا قانداي جۇمىستاردى جۇرگىزۋ جوسپارلانۋدا؟
الماتى قالاسى اكىمىنىڭ ورىنباسارى اسقار ءامريننىڭ جاۋابى:
- بۇل سۇراق ءبىزدىڭ اسا باقىلاۋىمىزدا ونى شەشۋ ماقساتىندا ءبىرقاتار ءىس-شارالار جوسپارلانعان. بيىل «سولتۇستىك» پوليسەنترىنىڭ ماستەر-جوباسى ازىرلەنەدى. ونىڭ ىشىندە يندۋستريالىق ايماققا كوشىرۋى قاراستىرىلعان.
بيىل 1ء-شى قاڭتاردا اگلومەراسيانى دامىتۋ تۋرالى زاڭى شىقتى، زاڭعا سايكەس اگلومەراسيا كەڭەسى قۇرىلىپ جاتىر. كەڭەس كاسىپورىنداردى يندۋستريالىق ايماققا جانە اگلومەراسياسىنىڭ اۋماقتارىنا كوشۋى قاراستىراتىن بولادى.