باس جوسپاردىڭ باسىم مىندەتى – سەيسميكالىق قاۋىپسىزدىكتى ارتتىرۋ

الماتى سەيسميكالىق بەلسەندىلىگى جوعارى ايماقتا تۇر.

قالا اۋماعىندا 27 تەكتونيكالىق اقاۋلار بار، ولاردىڭ 60%-دان استامى تاۋلى جەرلەردە ورنالاسقان، دەپ حابارلايدى Almaty-akshamy.kz

جىل سايىن الماتى قالاسىنان 90 كم راديۋستا 200-300-گە دەيىن، ال وعان جاقىن جەردە (30 كم - گە دەيىن) 50-100 ءالسىز دۇمپۋلەر بولادى.

2023 جىلدىڭ باسىنان باستاپ 44 جەر سىلكىنىسى تىركەلدى. قالا تۇرعىندارى ءۇشىن ەڭ ايقىن 2-3 باللدىق 3 جەر سىلكىنىسى بولدى.

2017-2018 جىلدار كەزەڭىندە "قازقسعزي" اق سەيسميكالىق توزىمدىلىك تۇرعىسىنان قالانىڭ 10 158 وبەكتىسىنە پاسپورتتاۋ جۇرگىزىلدى.

ناتيجەسىندە 3 087 نىسان سەيسميكالىق ءتوزىمدى ەمەس دەپ تانىلدى (2 339 مجك، 1،4 مىڭ الەۋمەتتىك نىسان).

تەكتونيكالىق اقاۋلار ايماقتارىندا 1116 نىسان بار. سەيسميكالىق ءتوزىمدى – 754، سەيسميكالىق ەمەس – 362.

سەيسميكالىق قاۋىپسىزدىك ماقساتىندا ءبىز ءال-فارابي داڭعىلىنان جوعارى 3 قاباتتان اسپايتىن، اباي داڭعىلىنان جوعارى 9 قاباتتان ارتىق قۇرىلىسقا تىيىم سالۋ جونىندە شارالار قابىلدادىق.

(ءال-فارابي داڭعىلىنىڭ وڭتۇستىگىندە اباي كوشەسىنىڭ وڭتۇستىگىندە 15 مەتردەن اسپايتىن جانە پاراپەتتىڭ باسىنا دەيىن ءال-فارابي كوشەسىنىڭ سولتۇستىگىندە 35 مەتردەن اسپايتىن) (VII سايلانعان الماتى قالاسى ءماسليحاتىنىڭ XXII سەسسياسىنىڭ "الماتى قالاسى ءماسليحاتىنىڭ 2006 جىلعى 20 قاراشاداعى №284 "فۋنكسيونالدىق سالۋدىڭ قالا قۇرىلىسى رەگلامەنتتەرىن ىسكە اسىرۋ جوسپارىن بەكىتۋ تۋرالى" شەشىمىنە وزگەرىستەر مەن تولىقتىرۋلار ەنگىزۋ تۋرالى " شەشىمىمەن بەكىتىلگەن 2022 جىلعى 20 ماۋسىمداعى № 144).

اعىمداعى جىلدىڭ ەكىنشى جارتىجىلدىعىنان باستاپ قالانىڭ 16،7 مىڭ وبەكتىسىنە جاڭا سەيسميكالىق اۋديت جۇرگىزۋ جوسپارلانۋدا. وسى پاسپورتتاۋ قورىتىندىلارى بويىنشا قالانىڭ اسا ءقاۋىپتى جانە ءقاۋىپسىز وبەكتىلەرىنىڭ مارتەبەسىن كورسەتەتىن تاۋەكەلدەردىڭ جاڭا كارتاسى، سونداي-اق جەر سىلكىنىسى تاۋەكەلدەرىن باسقارۋ، جەر سىلكىنىسى سالدارىنىڭ الدىن الۋدى ۇيىمداستىرۋ، عيماراتتاردى سەيسميكالىق كۇشەيتۋ جانە جەر سىلكىنىسىنە توزىمدىلىك نورماتيۆتەرىن قاتاڭداتۋ جونىندەگى ءىس-قيمىل جوسپارى ازىرلەنەتىن بولادى.