مەملەكەت باسشىسىنىڭ مەملەكەتتىك باعدارلامالاردى ۇلتتىق جوبالارعا ترانسفورماسيالاۋ جونىندەگى تاپسىرماسىن ورىنداۋ ماقساتىندا كاسىپكەرلىك بەلسەندىلىكتى ارتتىرۋعا، كاسىپكەرلەردىڭ ءوسۋىن جەدەلدەتۋگە جانە جاڭا نيشالاردى قالىپتاستىرۋعا، سونداي-اق باسەكەلەستىكتى كەشەندى دامىتۋعا باعىتتالعان كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى ازىرلەندى جانە بەكىتىلدى، دەپ حابارلايدى اlmaty-akshamy.kz
ۇلتتىق جوبانى ىسكە اسىرۋ بارىسىندا 2025 جىلعا قاراي جىو-دەگى شاعىن جانە ورتا كاسىپكەرلىكتىڭ ۇلەسى 35%-عا دەيىن ۇلعايادى، جىو-دەگى تۋريزم كولەمىنىڭ ءوسۋى 8،4 ترلن تەڭگەگە دەيىن وسەدى، ەكونوميكاداعى مەملەكەتتىڭ ۇلەسى 14%-عا دەيىن تومەندەيدى جانە 995،3 مىڭ جۇمىس ورنى قۇرىلادى دەپ جوسپارلانۋدا.
ۇلتتىق جوبا 10 مىندەتتى كوزدەيدى، ونىڭ 3-ەۋى حالىقتى جۇمىسپەن قامتۋعا جاردەمدەسۋگە باعىتتالعان: ءوز ءىسىن اشۋ جانە دامىتۋ ءۇشىن جاعداي جاساۋ، سۋبسيديالاناتىن جۇمىس ورىندارىن ۇيىمداستىرۋ ارقىلى كاسىپكەرلەردى قولداۋ جانە كاسىپكەرلەردىڭ قاجەتتىلىكتەرىنە قاراي داعدىلاردى دامىتۋ.
ءبىرىنشى مىندەت شەڭبەرىندە اۋدانداردىڭ ماستەر-جوسپارلارى جاسالادى، «باستاۋ بيزنەس» جوباسى بويىنشا كاسىپكەرلىككە وقىتۋ جۇرگىزىلەدى، سونداي-اق جاس كاسىپكەرلەر مەن حالىقتىڭ الەۋمەتتىك وسال توپتارى قاتارىنداعى ازاماتتارعا جاڭا بيزنەس-يدەيالاردى ىسكە اسىرۋعا ميكروكرەديتتەر مەن گرانتتار بەرىلەتىن بولادى.
ەكىنشى مىندەتتى ىسكە اسىرۋ سۋبسيديالاۋ ارقىلى جۇمىس بەرۋشىلەردىڭ ىنتاسىن ارتتىرۋعا ارنالعان وزەكتى قۇرالداردىڭ كومەگىمەن، ال جاس ماماندار ءۇشىن ءوز داعدىلارىن ارتتىرۋعا، كاسىبىن تابۋعا نەمەسە ۋاقىتشا جۇمىسقا ورنالاسۋعا مۇمكىندىك بەرۋ ارقىلى جۇزەگە اسىرىلادى.
وسىلايشا، «جاستار پراكتيكاسى»، «العاشقى جۇمىس ورنى»، «ۇرپاقتار كەلىسىمشارتى» جوبالارىنىڭ ارقاسىندا 29 جاستان اسپاعان، ماماندىعى بويىنشا جۇمىس تاجىريبەسى جوق، جاقىندا وقۋىن اياقتاعان نەمەسە مۇلدەم جوق ادامدارعا ءتۇرلى قولداۋ شارالارى كورسەتىلەتىن بولادى. بۇل جوبالارمەن 140 مىڭنان استام ادامدى قامتۋ جوسپارلانىپ وتىر.
زەينەتكەرلىك جاس الدىنداعى ادامدار ءۇشىن «كۇمىس جاس» جوباسى ىسكە اسىرىلاتىن بولادى، ونىڭ شەڭبەرىندە 20 مىڭ ادام قولداۋ الادى.
جالپى، 2021-2025 جىلدار ىشىندە جۇمىس ورىندارىن سۋبسيديالاۋ شارالارىمەن 637 مىڭنان استام ادام قامتىلاتىن بولادى، ۋاقىتشا جۇمىسپەن قامتىلعاننان كەيىن تۇراقتى جۇمىس ورىندارىنا جۇمىسقا ورنالاسۋ دەڭگەيى 70% - عا جەتەدى، سۋبسيديالاناتىن جۇمىس ورىندارىن ۇيىمداستىرۋعا قاتىساتىن جەكە سەكتور كاسىپورىندارىنىڭ ۇلەسى 50%-دان 70%-عا دەيىن وسەدى.
«ەلەكتروندىق ەڭبەك بيرجاسىندا تۇيىندەمە ورنالاستىرۋ نەمەسە بوس جۇمىس ورىندارىن ىزدەۋ كەزىندە ءوتىنىم بەرۋگە جانە كۋرستان وتۋگە بولادى، ىزدەنۋشىگە ءتيىستى ءوتىنىم بەرۋ جەتكىلىكتى بولادى. كۋرس اياقتالعاننان كەيىن جانە جۇمىس بەرۋشى تالاپ ەتەتىن داعدىلاردى يگەرگەننەن كەيىن جۇمىس ىزدەۋشى داعدىلاردى يگەرۋ تۋرالى سەرتيفيكات الادى جانە اشىق بوس ورىنعا شىعادى»، – دەپ حابارلادى رۋسلان تىلەۋبايەۆ.
5 جىل ىشىندە قىسقا مەرزىمدى كاسىپتىك وقىتۋمەن 205 مىڭ ازامات قامتىلاتىن بولادى، ال 2025 جىلعا قاراي وقۋدان كەيىن جۇمىسقا ورنالاستىرۋ دەڭگەيى 52-دەن 80%-عا دەيىن ۇلعايادى.
ۇلتتىق جوبانى ىسكە اسىرۋ بارىسىندا بارلىعى 100 مىڭنان استام جاڭا جۇمىس ورنى قۇرىلادى. 3،5 ملن. ادام جۇمىسپەن قامتۋعا جاردەمدەسۋدىڭ بەلسەندى شارالارىمەن قامتىلىپ، 1،7 ملن ادام تۇراقتى جۇمىس ورىندارىنا جۇمىسقا ورنالاسىپ، تابىسى ەڭ تومەنگى كۇنكورىس دەڭگەيىنەن 6،5%-عا تومەن اۋىل حالقىنىڭ ۇلەسى ازايادى. جۇمىسسىزدىق دەڭگەيى 4،7%-عا دەيىن تومەندەيدى، ال حالىقتىڭ ناقتى اقشالاي كىرىستەرىنىڭ ءوسۋى 27،1% دەڭگەيىنە شىعادى.