ءىىم اۆتوكولىك دوڭگەلەكتەرىن اۋىستىرۋدى كەيىنگە قالدىرماۋعا كەڭەس بەرەدى، دەپ حابارلايدى اlmaty-akshamy.kz Polisia.kz سىلتەمە جاساپ.
قىسقى كەزەڭدە جولدارداعى كولىك قوزعالىسى ەرەكشە نازار اۋدارۋدى تالاپ ەتەدى. ويتكەنى قىسقى ۋاقىتتىڭ ءوز ەرەجەلەرى مەن تالاپتارى بار. زاڭناماعا سايكەس قىسقى كەزەڭدە (جەلتوقسان، قاڭتار، اقپان) قىسقى دوڭگەلەكتەرمەن جابدىقتالماعان كولىك قۇرالدارىن پايدالانۋعا تىيىم سالىنادى.
سەبەبى قىس مەزگىلىندە اۆتوكولىكتەگى جازعى دوڭگەلەكتەردىڭ جولعا ءىلىنىسۋ ساپاسى كۇرت ناشارلايدى. سونىڭ سالدارىنان جول توسەمدەرىنىڭ بەتكى قاباتى مۇزدانعان كەزدە نەمەسە قار تۇسكەندە، دوڭگەلەكتەردىڭ سىرعىپ كەتۋ ىقتيمالدىعى ارتادى دا جول-كولىك وقيعالارىنا اكەلىپ سوقتىرىپ جاتادى. سوندىقتان دوڭگەلەكتەردى قىسقى تۇرىنە اۋىستىرۋ جونىندە تالاپ قويىلادى.
پوليسەيلەر جۇرگىزۋشىلەرگە قولايسىز اۋا رايىندا، قار جاۋعان كەزدە، ءقاۋىپتى جاعدايلار تۋىنداعاندا، جول-كولىك وقيعاسىنىڭ الدىن الۋ ءۇشىن جىلدامدىقتى بارىنشا تومەندەتۋ قاجەتتىگىن ەسكەرتەدى.جۇرگىزۋشىلەر الدىمەن قاۋىپسىزدىككە كوز جەتكىزىپ الماي، ءبىر قاتاردان ەكىنشى قاتارعا كىلت ساپ تۇزەپ نەمەسە باسقا دا مانيەۆرلەر جاساماۋى كەرەك. كولىك قۇرالدارى اراسىنداعى قاشىقتىق پەن بۇيىرلىك ارالىقتى ساقتاۋ قاجەتتىلىگى تۋرالى ۇمىتپاۋى شارت. قىسقى دوڭگەلەكتەر كولىك قۇرالىنىڭ بارلىق دوڭگەلەكتەرىنە ورناتىلادى. بۇل دوڭگەلەكتەر قىسقى جاعدايدا كولىك جۇرگىزۋ قاۋىپسىزدىگىن قامتاماسىز ەتەدى.
جول قوزعالىسىنا قاتىسۋشىلاردىڭ قاۋىپسىزدىگى ءۇشىن ءىىم اۋا رايىن ەسكەرە وتىرىپ، كولىكتەگى قوزعالىس باعىتىن الدىن الا جوسپارلاۋعا شاقىرادى.