Amanat پارتياسىنىڭ الماتى قالالىق فيليالىندا 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا اياسىندا اشىق ەسىك كۇنى ءوتىپ جاتىر.
Amanat پارتياسى الماتى قالالىق فيليالىنىڭ اتقارۋشى حاتشىسىنىڭ ورىنباسارى ەلميرا وماروۆانىڭ ايتۋىنشا، ءىس-شارا حالىقتى رەسپۋبليكالىق جانە وڭىرلىك باعدارلامالارمەن تانىستىرۋ ماقساتىندا ۇيىمداستىرىلدى، دەپ حابارلايدى Almaty-akshamy.kz
Amanat پارتياسىنىڭ "حالىققا كومەك" پارتيالىق جوباسى اياسىندا، سونىمەن قاتار كۇنى كەشە پارتيا ءتوراعاسى ەرلان جاقان ۇلى ايتىپ وتكەن باستاماعا سايكەس، تۇرعىندارعا قارجىلىق جانە قۇقىقتىق ماسەلەلەر بويىنشا كەڭەستەر بەرىلەدى. مەملەكەتتەن كاسىپكەرلىكتى قولداۋ ماقساتىندا بولىنەتىن قارجىلىق قولداۋلار، ونىڭ ىشىندە رەسپۋبليكالىق جانە وڭىرلىك باعدارلامار بويىنشا جۇرگىزىلىپ جاتقان ىس-شارالارمەن حالىقتى تانىستىرۋ، جان-جاقتى ءتۇسىندىرۋ باعىتىندا ۇيىمداستىرىلىپ وتىر. شارادا الماتى قالاسى كاسىپكەرلىك جانە ينۆەستيسيالار، الەۋمەتتىك باعدارلامالار جانە جۇمىسپەن قامتۋ باسقارمالارى، «دامۋ»، «قولداۋ»، «اتامەكەن»، «الماتى فينانس»، «الەۋمەتتىك كاسىپكەرلىك كورپوراسياسى» جانە وزگە وكىلدەر حالىقپەن كەزدەسۋدە»، – دەدى ە.وماروۆا.
ال اشىق ەسىك كۇنىنە كەلگەن نۇرتاي نۇرماحامبەتوۆ ءوز سۇراعىنا جاۋاپ تابا العانىن ايتادى.
«مەن جەكە كاسىپكەرمىن، الماتى ماڭىنداعى كەمەرتوعان اۋىلىندا شاعىن شارۋاشىلىعىم بار. ماعان تەلەفون ارقىلى وسى جەردە اشىق ەسىك كۇنى ءوتىپ، كاسىپكەرلىك كەڭەس الۋعا بولادى دەگەن حابارلاما كەلدى. بۇگىن كەلىپ، ءوز سۇراعىمدى قويدىم. ميكروقارجىلىق ۇيىمدار بار ەكەن، ولار 6 ميلليونعا دەيىن 12%-دىق كەپىلسىز قارىز بەرەدى ەكەن. مەنىڭ شارۋاشىلىعىمدى كەڭەيتۋ ءۇشىن بۇل تاماشا مۇمكىندىك»، – دەدى ول.
الماتى قالاسى كاسىپكەرلىك جانە ينۆەستيسيالار باسقارماسىنىڭ وكىلى ءادىل جانكيننىڭ ايتۋىنشا، كاسىپكەرلىك گرانتتاردى جەڭىپ الۋدىڭ باستى تالابى – جوبانىڭ يننوۆاسيالىق بولۋى. سونداي-اق، ول الماتىدا كاسىپكەرلەردى قولداۋعا ارنالعان بەس بىردەي باعدارلاما بار ەكەنىن ايتتى.
«ءبىزدىڭ ماقساتىمىز – كاسىپكەرلەرگە مەملەكەتتىك جانە الماتىدا كاسىپكەرلىكتى دامىتۋ بويىنشا وڭىرلىك باعدارلامالاردى ءتۇسىندىرۋ. مەگاپوليستە بەس باعدارلاما بار. ونىڭ 3-ەۋى مەملەكەتتىك جانە 2-ەۋى - قالالىق «Almaty Business-2025» جانە «جاڭا بيزنەس» باعدارلامالارى. جالپى، 2022 جىلى ءارتۇرلى ۇلتتىق باعدارلامالارعا 48،1 ملرد. تەڭگە اقشا ءبولىندى. 3000-عا جۋىق جوبا قارجىلاندىرىلدى»، – دەدى الماتى قالاسى كاسىپكەرلىك جانە ينۆەستيسيالار باسقارماسى جەكە كاسىپتى دامىتۋ بويىنشا ءبولىم باسشىسى ءادىل جانكين.