19 قاڭتاردا الماتىدا داستۇرگە ساي، «كرەششەنيە» مەرەكەسى وتەدى. بۇل كۇننىڭ باستى سالتى – مۇزدى سۋعا ءتۇسۋ. شۇڭقىرداعى سۋعا قالاي دۇرىس جانە ەڭ باستىسى ءقاۋىپسىز سۇڭگۋ كەرەكتىگى تۋرالى وڭىرلىك كوممۋنيكاسيالار قىزمەتىندە وتكەن بريفينگتە ايتىلدى. سپيكەرلەر سۋعا تۇسۋگە رەسمي تۇردە رۇقسات ەتىلگەن ورىنداردى دا اتادى، دەپ حابارلايدى اlmaty-akshamy.kz.
الماتى قالاسى توتەنشە جاعدايلار دەپارتامەنتى ازاماتتىق قورعانىس باسقارماسى باسشىسىنىڭ ورىنباسارى ءانۋار يۋسۋپوۆ بەلگىلەنبەگەن جەرلەردە سۋعا تۇسۋگە، جارىقتار مەن ويىقتار بولسا، مۇزعا شىعۋعا قاتاڭ تىيىم سالىنعانىن ەسكە سالدى. راسىمگە دەيىن الكوگولدى ىشۋگە تىيىم سالىنادى. سونداي-اق، سوزىلمالى اۋرۋلارى بار نەمەسە سۋىق سۋعا تۇسۋگە قارسى كورسەتىلىمدەرى بار ادامدار ءۇشىن ويىققا تۇسۋگە بولمايدى. سونىمەن قاتار، ارينە، شومىلۋ ورىندارىندا ءتارتىپتى ساقتاۋ قاجەت.
«الماتى قالاسىنىڭ تجد جەرگىلىكتى اتقارۋشى ورگاندارمەن جانە الماتى ەپارحياسىمەن بىرلەسە وتىرىپ، مەيرام قارساڭىندا 9 شومىلۋ ورنىن بەلگىلەدى، وندا كۋپەلدەر جابدىقتالىپ، ورناتىلادى. توتەنشە جاعدايلاردى بولدىرماۋ ءۇشىن وسى ماقساتتارعا ارنالماعان ورىنداردا ءوز بەتىنشە سۋعا ءتۇسۋدى ۇيىمداستىرماۋعا شاقىرامىز. اشىق جەردە جابدىقتالعان كۋپەل جانىندا ءۇش ادامنان ارتىق بولماۋى كەرەك. شومىلۋ الدىندا جۇگىرىپ، دەنەنى قىزدىرىپ، دەنەنى جىلىتىپ الۋ كەرەك. دارىگەرلەر مەن قۇتقارۋشىلار تۇرعان جەردە سۋعا ءتۇسۋ كەرەك»، - دەدى ءا.يۋسۋپوۆ.
قۇتقارۋشىلار شومىلعاننان كەيىن دەنەنى تۇكتى سۇلگىمەن ءسۇرتۋ جانە جىلى كيىم كيىپ، جىلى شاي ءىشۋ كەرەكتىگىن ۇسىنادى. جىلى سۋدا ۇزاق ۋاقىت وتىرعاندا ، دەنە قۇرىسىپ، ۇسىك شالۋ مۇمكىن. سۋىق سۋعا بىردەن سۇڭگىگەندە، جۇرەك جەتكىلىكسىزدىگى تۋىنداۋى مۇمكىن.
سۋعا تۇسۋگە رۇقسات ەتىلگەن بارلىق 9 اۋماقتا قۇتقارۋشىلاردىڭ، پوليسيا قىزمەتكەرلەرىنىڭ، رەسپۋبليكالىق جەدەل-قۇتقارۋ جاساعىنىڭ، اپاتتار مەديسيناسى جانە قالا مەديسينا قىزمەتكەرلەرىنىڭ ورتالىعى تاۋلىك بويى كەزەكشىلىگى ۇيىمداستىرىلادى.
بارلىق باسقا سۋ قويمالارى، تاۋ وزەندەرى شومىلۋعا تىيىم سالىنادى. تاۋلى وزەندەرگە جاقىنداۋ وتە تايعاق ەكەنىن ەستە ۇستاعان ءجون. ال وزەندەردىڭ اعىسى وتە كۇشتى، تەپە-تەڭدىگىنەن ايىرىلعان نەمەسە ەسىنەن تانعان ادامدى الىپ كەتۋى مۇمكىن.
بريفينگكە، سونىمەن قاتار، پروتويەرەي، قازاقستان پراۆوسلاۆيە شىركەۋىنىڭ قوعاممەن بايلانىس ءبولىمىنىڭ باسشىسى الەكساندر سۋۆوروۆ قاتىسىپ، سۋعا تۇسۋگە رۇقسات ەتىلگەن ورىنداردى اتادى:
1. «الماتى قالاسى، پريحود كرەستوۆوزدۆيجەنسكيي حرامى»، الماتى قالاسى، الاتاۋ اۋدانى، قاراسۋ ىقشام اۋدانى، ۆىسوكوۆولتنايا كوشەسى، 37 ب ءۇي.
2. «الماتى قالاسىنىڭ پريحود حراما حريستا سپاسيتەليا» جەرگىلىكتى ءدىني ۇيىمى، الماتى قالاسى، الاتاۋ اۋدانى، رايىمبەك داڭعىلى، 493 ءۇي.
3. «قازاقستاننىڭ پراۆوسلاۆ شىركەۋىنىڭ استانا جانە الماتى ەپارحياسىنىڭ» ايماقتىق ءدىني فيليالى سۆياتو-نيكولسكيي سوبور، الماتى قالاسى، المالى اۋدانى، بايتۇرسىنوۆ كوشەسى، 56/6 ءۇي.
4. الماتى قالاسى، «بوگوياۆلەنسكيي پريحود» جەرگىلىكتى ءدىني ۇيىمى، الماتى قالاسى، اۋەزوۆ اۋدانى، سادوۆنيكوۆ كوشەسى، 196ء-ۇي.
5. «پريحود ۋسپەنسكوگو حراما پوسەلكا پەرۆومايسكيي استانايسكوي ي الماتينسكوي ەپارحيي» جەرگىلىكتى ءدىني ۇيىمى، الماتى قالاسى، جەتىسۋ اۋدانى، سەنترالنايا كوشەسى، 86ء-ۇي.
6. الماتى قالاسى استانا جانە الماتى ەپارحياسى «پريحود حراما ۆەليكومۋچەنيسى پاراسكيەۆى» جەرگىلىكتى پراۆوسلاۆتىق ءدىني ۇيىمى، الماتى قالاسى، جەتىسۋ اۋدانى، جانسۇگىروۆ كوشەسى، 500 ۆ ءۇي.
7. استانا جانە الماتى ەپارحياسىنىڭ «يۆەرسكو-سەرافيموۆسكيي جەنسكيي موناستىر» جەرگىلىكتى ءدىني ۇيىمى، الماتى قالاسى، مەدەۋ اۋدانى، حاميدي كوشەسى، 30ء-ۇي.
8. الماتى قالاسى استانا جانە الماتى ەپارحياسى «پريحود بلاگوۆەششەنسكوگو حراما» جەرگىلىكتى ءداني ۇيىمى، الماتى قالاسى، مەدەۋ اۋدانى، "الاتاۋ" ىقشاماۋدانى، يبراگيموۆ كوشەسى، 13ء-ۇي.
9. «پوكروۆسكو-ۆسەحسۆياتسكيي پريحود» جەرگىلىكتى ءدىني ۇيىمى، الماتى قالاسى، تۇركسىب اۋدانى، جاس پيونەرلەر كوشەسى، 85ء-ۇي.
بارلىق ارنايى بولىنگەن شومىلۋ ورىندارىندا شاتىرلار مەن كيىم اۋىستىراتىن بولمەلەر (ەرلەر مەن ايەلدەر) ورناتىلدى. ارنايى قىزمەتتەرمەن بىرگە ءدىن قىزمەتكەرلەرى دە ۇزدىكسىز جۇمىس ىستەيتىن بولادى.
«سۋعا شومىلۋ كۇنالاردان تازارتپايدى، ويتكەنى بۇل - ەجەلگى تاقۋالىق ءداستۇر. ونى اركىم ءارقالاي قابىلدايدى جانە ودان اركىم ءوزى العىسى كەلگەن جەمىسىن كورەدى»، - دەپ اتاپ ءوتتى الەكساندر سۋۆوروۆ.